« | »

Ravalomanana or not Ravalomanana... that's the question

2006-09-29 @ 13:31 in Eritreritra mandalo

Ny fifidianana ao Madagasikara dia tsy mba tahaka ny an'ny firenena hafa hoe misy maromaro ny favoris. Marina fa misy mpifanandrina maro, samy malaza... fa tsy mbola nisy mihitsy hoe tsy nandray anjara amin'ny fifidianana ny mpitondra... tahaka izay miseho any Etazonia rehefa lany ny mandat-n'ny filoha amperinasa, na ny ao Frantsa amin'izao fotoana izao - Tsy kaotiana eto ny tamin'ny andron'ny tetezamitan-dRatsirahonana. Noho izany tsy maintsy hoe ny filoha amperinasa no mifaninana amin'izay kandidà iray tafita indrindra.Mihena izany ny pronostika amin'izao fotoana izao. Raha hisy ny deuxième tour dia Ravalo sy iza no hifaninana. Ka ny fanontaniana mipetraka dia hoe haka an-dRavalomanana sa tsy haka an-dRavalomanana?

Mba hahafahana mamaly an'io fanontaniana io na dia tsy mijery ny ankilany aza, izany hoe tsy mahalala akory izay hifaninana amin-dRavalomanana, dia manao karazana jery todika fotsiny. Miainga amin'ny hoe inona no propagandy nataon-dRavalo ary inona ny vitany. Tsy tokony hiteny hoe be ny mpisompatra dia nisy tsy vitany... satria nandritra ny propagandy izy dia efa tokony ho voalanjalanjany hoe ho be ny mpisompatra.

Ny lalana aloha no tena nahafapo ny olona. Toa misy làlana daholo hono na any amin'ireo toerana tsy tra-dalana taloha aza. Ny henoko sy tena nampiaiky ahy aloha dia Ihorombe... izay toerana tsy nety vita làlana mihitsy nandritra ny taona maromaro. Mila jerena koa anefa hoe tombontsoa ho an'iza ny làlana namboarina. Toa hoe izay toerana nahafahana namoaka ronono sy omby matavy aloha no tena namboarina ny làlana. Ireo toerana izay tsy maintsy hifaneraseran'ny camions-n'ny Tiko. Afaka nahazo tombony tamin'izany daholo anefa ny rehetra.

Ankoatra an'izay, nanahoana ny vidim-piainana? Toa vao mainka niha-nahantra hatrany ny Malagasy. Nilaza ve i Ravalomanana hoe hampitombo ny fahefa-mividin'ny Malagasy? Raha nilaza izy dia hoe amin'ny fomba ahoana? Dia inona no efa nataony mikasika izany? Azo ijerena ny zavatra nataon-dRavalo ihany koa io. Tsotra ny kajy rehefa avy eo, raha nahavita azy dia tohizana... raha tsy nahavita azy dia soloina. Toa izany koa ny tokony hijerena ny lafiny fandriam-pahalemana sns. Tsy misy resaka sentiment io fa izay tsy mahavita dia miala ary raha nahavita dia mendrika ny hotohanana.

Farany, henoko ny resaky ny tanora mpanohana an-dRavalo hoe tsy ampy ny dimy taona fa aleo tohizana. Tsy ekeko izany. Ravalo dia tsy tokony hotsaraina amin'izay zavatra mbola hataony... fa amin'ireo zavatra efa vitany. Dimy taona ny mandat, tsy mahavita azy izy raha mangataka dimy taona hanohizana ny zavatra tsy vitany teo aloha. Fa angaha Ravalo tsy nanao calcul hoe ataoko aloha izay mahafapo ny vahoaka ao anatin'ny dimy taona. Sa natao aloha izay hanomezana fahafahampo ny tena sy ny manodidina, dia ny dimy taona manaraka vao atolotra ho an'ny Malagasy? Ny dimy taona manaraka na dia mbola Ravalo ihany aza no ho lany ohatra dia tokony efa tetikasa vaovao indray no entina. Mety hoe tsy làlana indray no imasohana. Fa natao inona daholo ny dimy taona no manjary voatery hisy vary mangatsiaka?

Hevitra

Misimisy ihany ny miteny raha nifidy ravalo izy tamin'ny 2001 hoe izy tsy mba mifampitambitamby amin'ny frantsay. Ankehitriny lasa miboredika teny frantsay na dia amin'ny tantsaha aza ranamana...nisinisy ihany ny diso fanantenana tamin'io fihetsiny niova io.

resaka tsy fivoaka any am-pon'ny olona io saingy tsipalotra matetika anaty resaka rehefa tena mihaino ny olona ianao. Jereo ary hoe iza amin'ireo kandidà ho avy ireo indray no tsy mifampitamby loatra amin'ny frantsay...

Nampidirin'i jentilisa @ 15:04, 2006-09-29 [Valio]

Raha ny hevitro manokana aloha atsipy d tena tsy nanao Calcul matotra ny amin'ny hanomezana fahafahampo ny vahoaka tao anatin'ny dimy taona i Ravalo raha niakatra teo amin'ny fitondrana.
Nanana ambom-po betsaka izy ny amin'ny ezaka hanatsarana ny farim-piainan'ny malagasy. Nihevitra izy fa ny fanamboarana ny lalana ifamezivezen'ny olona no voalohany amin'izany.Mandainga kosa izay milaza fa tsy nisy fiantombohany io ezaka io. Ny fampiraisana ny tombontsoany manokana amin'ny an'ny vahoaka indray tsy dia fakaiko loatra raha samy miara mahazo tombony. Ny tombontsoa mihoa-papana no tsilaitrako.

Manaiky aho fa nisy ireo fijabahana nataon'ity fitondrana amperinasa ity. Ohatra tamin'izany ny fampidiran'entana isankarazany tsy nandoavana haban-tseranana (mety nahazo tombony tamin'izany ny ankamaroantsika mpisera mampiasa solosaina eto, sns... tsapako ho nilaina ihany anefa izany fa mba nampivoatra haingana an'i Madagasikara raha ny amin'ny lafiny fifandraisana amin'izao tontolo izao sy ny fanarahana ny fivoaran'ny teknolojia vahiny, sns... Tsy misy afaka miziriziry anefa isika rehetra fa raha i Ratsiraka no mbola nitondra teo dia tsy niakatra be toy izao ny halafosam-piainana ao Madagasikara. Betsaka ny antony mahatonga an'i fiakarana ka tsy ary ho voatanisa eto.

Ny fandriampahalemana indray, betsaka ny antony fa raha jerena maimaika dia anisany nampirongatra ny herisetra ny fitobahan'ny basy ao Madagasikara. Taorinan'ireny ady antrano tamin'ny 2002 ireny moa no tena nampimparitaka azy ity. Na izany na tsy izany aza anefa dia tsapa fa efa miha mailaka kokoa noho ny teo aloha ny polisim-pirenena sy ny zandary raha eo amin'ny lafiny fomba fiasa sy fisamborana ireo mpanao asa ratsy.

Bottom line:
- Nahavita zavatra mivaingana ihany i Ravalo raha oharina amin'ireo mpitondra nifandimby teo alohany. Hita maso ireo fa tsy resahina fotsiny.

- Betsaka koa anefa ny lesoka mila harenina eo amin'ny rafim-pitatanana sy ny amin'ny fanapahan-kevitra noraisina.

- Izay olom-baovao ho tonga eo anie tsy maintsy hijabaka foana koa aloha amin'ny voalohany fa mba omeo mandat iray faharoa izy hahitana ny tena afitsony. Rehefa tsy tafa amin'izay izy d ataovy good bye amin'izay.

Hevitra moa no ampiadiana ka ireo no fahitako azy maimaika.

Nampidirin'i Tadio @ 20:19, 2006-09-29 [Valio]

tongava tongava mamangy anay e!!

Nampidirin'i generation-gasy @ 11:28, 2006-10-02 [Valio]

JEREO KELY RY ISE NY LALAM-PANORENANA FA AZA MANALA-BARA-TENA MITENITENY FOANA A. AZA ATAO MAHAFATIFATTY NY ANY AN-DAFY FA ISIKA KELY SISA DIA EFA HO TAFITA.MAHAIZA MIHAFY RE E!

Nampidirin'i DINA @ 18:51, 2006-10-02 [Valio]

MAHAVITA VE RATSIRAKA ? MAHAVITA VE ZAFY ? MAHAVITA VE RATSIRAHONANA SY RY PASTERA SY NY SISA ?... HATRAMIN'IZAY NAHALEHIBE AHY, RATSIRAKA SY NY FORONGONY NO TEO : TSY NISY ZAVATRA VITA. IZAO RAHA MISY MANAO AZA SAKANANA, AZA FINGANINA. MAHAIZA MIAINA FA FIRENEKO IO AN ! REHEFA MIAKATRA IZY IZAO TSY TANTIKO RAHA FINGANINAO. MBA MAHAIZA MANORONA ! BE TSIKERA FOANA ! MANDINIA ALOHA ! IANAREO VE NIANATRA RY TOVOLAHY SA MANATENA HANDRAY VOLA AMIN'NY POLITIKA KOA ?

Nampidirin'i DINA @ 19:02, 2006-10-02 [Valio]

JENTILISA A : IANAO VE EFA NITONDRA FIRENENA ? IZAO KOA ! KA TSY HO FANTATRAO IO SADY TSY MAMPIVOATRA NA MAMPIHEMOTRA NY FITENENANY TENY VAHINY ! VOKATRA RE JERENA E ! MAHAIZA MIJERY, SASAO NY MASO, DIOVY NY SOFINA : JEREO FA TAFITA SAHADY I MADAGASIKARA MALALAKO. JEREO NA MALOTO AZA EFA MIEZAKA ERY NY OLONA TSY DIA HANIPINIPY FAKO... VITA NY LALANA IZAY AZOKO HANINA NY VOKATRA ENTINY... RAHA MIAINA ANY AM-PITA IANAO : M A N G I N A ITY VAVA. TSY HAINAO NY LAZAINAO.

Nampidirin'i DINA @ 19:11, 2006-10-02 [Valio]

MIARETA RY MALAGASY HAVAKO O ! EFA MIVOATRA NY FIRENENA ! (FAMPITAHANA AMIN'NY ANY IVELANY IO). TSY EKENAY TANORA, NY MBOLA HIVERENANAREO ATY AMINAY HANDREBIREBY AMIN'NY RESABE. NY ANAY ASA TSY MISY KABARY. FA ANIO ALOHA TOHINA NY FO E ! ARY TSY AZO JERE-POTSINY NY OPA TAHAKA IZAO.

Nampidirin'i DINA @ 19:16, 2006-10-02 [Valio]

Miasà ry zalahy a !, dia mampiasà olona rehefa misy sôsy . Izay ihany no afaka hampandrosoana haingana ny tànana fa tsy ny "promesse présidentielle" akory

Dia aza lany andro mitsikera ny zava-bita sy ny tsy vita sy ny lany sy tsy lany eo a!

Ny sinoa izao mahavita "taux de croissance à deux chiffre" nefa 3 lavitrisa . isika vao 17 tapitrisa fotsiny.

Momba ny fifidianana, raha mba misy multi-milliardaire afaka mifaninana @ lery izao dia mba faly aho. Fa ny fortune-n'ireto mpanao pôlitika mifaninana aminy tsy fantatra akory hoe avy aiza

Nampidirin'i ooo @ 10:02, 2006-11-01 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry