Blaogy.com: version vaovao

2006-04-23 @ 23:35 in Blaogy Dev

Nivoaka ny version vaovao 1.0.4 ho an'ny lifetype izay nanamafy ny fiarovana eo amin'ny lafiny vitsivitsy. Dia nampidirina tato amin'ny blaogy.com koa io rehefa nojerena akaiky. Misy olana ihany isaky ny manova toa izao satria efa tsy original intsony ny blaogy.com fa efa namboarina hifanentana amin'ny filàna. Noezahina nahitsy izay tokony hahitsy... ary efa nandramana ihany koa ka tsy nisy olana.
Raha toa anefa ka sendra misy olana tsikaritrareo dia ilazao ihany aho.

Nitonantonana

2006-04-23 @ 21:59 in Blaogy Dev

Ny zava-mitranga androany no tena azo antsoina amin'io teny hoe "nitonantonana" io. Ny atao hoe nitonantonana mantsy dia ilay tonga tsy nantsoina... saingy amin'ny endriny tsy dia tsara loatra. Raha tsy diso aho dia misy ohabolana malagasy hoe "Mitonantonana ohatry ny vinanto tsy mahare fosa". Efa vinanto tsy tiana sy fosaina izao mbola iny fa tonga ihany :-) (Tsy zah, tsy zah...)

Fa ny androany dia tena fitonantonanana tokoa... hay pont andro tsy fiasana ho an'ny eto Italia androany... kanefa aho mbola mijaingijaingy tonga aty am-piasana ihany. Mbola zazavao eo amin'ny tontolon'ny asa tokoa e... Ny rahampitso aloha fantatro hoe tsy fiasana, dia efa henoko tamin'ny gazety ihany ny resaka pont... fa tato tsy nisy resaka mihitsy. Ny mpiambina vavahady koa mbola miasa tsara :-) (angamba i leiry toran'ny homehy mangina nahita ahy niditra sy niarahaba azy soa amantsara). Niakatra taty amin'ny birao aho dia mbola mihidy daholo toa ny mahazatra (satria aho tonga aloha foana)... fa efa amin'ny sivy sy folo izao kanefa mbola tsisy tonga daholo ny mpiasa amin'ireo birao efatra mifanila amiko... noho izany, andro tsy fiasana androany :-(

Soa fa misy tetik'asa manokana be dia be hatao  

Afatory aloha ny alika

2006-04-22 @ 12:36 in Blaogy Dev

Na dia atao hoe efa mirindra tsara aza ny fihavanana. Na dia atao hoe efa tsisy romoromo mihitsy intsony aza. Na dia atao hoe efa nifamela nanadino ny disadisa vokatry ny lasa aza. Dia sarotra ihany ny hifampiditra antrano... raha toa ka mbola avela eo am-bavahady tsy mifatotra ny alika masiaka. Tsy fihatsaram-belatsihy ihany ve ny hoe "tongava tongava hoy ianao, fa manantena foana aho" kanefa tsy mandalo lavitry ny vavahady akory aho dia efa miala any i Doubtfigher mivòvò? Tsy fialantsiny fotsiny ve ny hoe efa "niantso aho" kanefa tsisy fepetra raisina akory hampangiana ity alika vonon-kanaikitra?

Ka hoy aho hoe, aleo hilamina. Afatory aloha ny alika dia ho avy aho. Na farafaharatsiny omeo calmant... na somnifère mihitsy e :-). Rehefa mifitsaka izy dia angamba hadisoako amin'izay raha tsy tonga aho. Hohitanao fa izaho no ho tonga aloha.

Ka amin'izao aho aloha aza omena tsiny :-) 

Fa maninona koa ary no miompy alika masiaka

Ny tranga voalaza eto mety mifandray amin'ny zavatra niainanao dia fifanandrifian-javatra fotsiny.

Ny blaogy.com sy ny sessions

2006-04-22 @ 00:06 in Blaogy Dev

Efa nolazaiko teto ihany ho an'izay manoratra lavalava eto amin'ny blaogy dia tsaratsara kokoa mampiasa fitaovana hafa aloha (ohatra hoe winword) dia avy eo copier-coller fotsiny sisa. Na izany aza dia efa novaina tsikelikely ihany ireto zavatra ireto.

- Ny halavan'ny session teo dia par defaut (24 mins) ka nampiakariko ho 120 mins. Rehefa mivoaka izany dia tokony manao logout foana satria raha tsy izany tsy secure

- Rehefa miditra admin.php (na dia efa nampiditra solonanarana sns aza) dia asainy mampiditra indray RAHA TOA KA tsy mbola tafiditra tao amin'ny ilay blaogy manokana (izany hoe nanindry ny anaran'ny blaogy). Tsy fantany tsinona ny blaogyID dia tsy voatahiry ao amin'ny session. Raha toa ka efa nanindry ny anaran'ny blaogy dia voatahiry amin'izay iny blaogy iny ka raha miverina amin'ny admin.php dia tsy anontaniany intsony.Amin'izao dia tsy manana blaogy afatsy anakiray isan'olona isika ka angamba azo atao ny manao par defaut hoe tonga dia tehiriziny ilay blaogID raha vao tafiditra.

*** UPDATE ***

Naverina ho 30 minitra ihany ilay fetran'ny session fa toa misy risika be.
Ny tsirairay fotsiny no iangaviana hitady hevitra hoe ahoana no hatao. 

Module ohabolana ho an'ny Joomla

2006-04-20 @ 23:50 in Ankapobeny

Ho an'ireo mampiasa Joomla dia namoaka module vaovao aho. Module ohabolana izay maka ohabolana iray isanandro ao amin'ny webservice serasera.org. Azonao ampiasaina ny sivana ahafahana mifidy ny ohabolana tianao hiseho (Ohatra: ohabolana misy hoe Andriamanitra ihany sns.)

Beta release io amin'izao fotoana izao satria tsy maintsy mbola hohatsaraina kanefa efa mandeha tsara mihitsy.

Azonao alaina eto ambany ny module ohabolana
mod_ohabolana 

Rohy mety mahaliana 

Raha toa ka mampiasa io module io ianao dia andefaso email aho (hery@serasera.org)

Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2006 »
At Ta Ar Ak Zo As Ah
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Rohy
  • Blogroll
Tahiry