« | »

Ny hoavin'i Andry TGV

2008-01-16 @ 11:24 in Politika

Talohan'ny fifidianana aho dia efa naneho ny tsy fankasitrahako ny hidiran'i Andry TGV eo amin'ny fitondrana ny tananan'Antananarivo. Tsy fankahalana manokana azy izany ary tsy fitiavana manokana ny hafa ihany koa fa fitsinjovana ny mety ho tsimbadika politika sy ny hoavin'ny tananan'Antananarivo ihany. Herinandro vitsivitsy izao no nipetrahany teo amin'ny fitondrana ny tanàna. Tsy mbola ampy hitsarana azy kanefa efa miseho sahady ny mety ho taratry ny zavatra hisy atsy ho atsy.

Efa manomboka sahady mantsy izao ny filazana fa betsaka ny manembatsembana ny tetikasany. Mety ho marina izany saingy ny fianteherana sy ny fampisehoana izany dia fialantsiny avy hatrany hoe raha tsy vitany ny asany dia vokatry ny sembantsembana ataon'ny hafa. Mandritra ny fotoana hipetrahany eo amin'ny fitondrana izany dia tsy maintsy hisy an'izay fitarainana izay hatrany, satria tsy maintsy hisy hatrany ny mpanembantsembana, na avy ao anatiny na ny avy any ivelany. Tsy vao izy no mpanao politika nisy mpanembantsembana ary efa fantany rahateo fa tsy maintsy ho izany no hitranga.

Vokatr'izany dia mety tsy handroso mihitsy Antananarivo. Efa niantso ny rehetra hanampy azy i Andry TGV. Mety hisy hanohana ny antsony ny olona. Saingy hahavita inona anefa izany? Ary raha manohana ny antso ataony ny olona ka misy mpanembatsembana indray? Ary inona ny fanamby hasehony hoe azo itokisana izy amin'ireo fanampiana izay ataon'ny tsirairay?

Rehefa tsy mandroso Antananarivo dia ny ben'ny tanàna no ho halan'ny olona amin'ny fifidianana manaraka. Eo no mety hahasimba ny hoavy politikan'i Andry TGV. Efa azo antsaina mantsy fa tsy hijanona fotsiny amin'ny fitondrana an'Antananarivo izy fa hitady lalana ambonimbony kokoa. Ka ho avy amin'izay ny tsikera hoe Antananarivo aza tsy vitany vao maika fa Madagasikara?

Koa mbola hamafisiko fa tsy fahamatorana politika no nilatsahan'i Andry TGV ho ben'ny tanàna. Efa azoazony antsaina ihany fa ho lany tampoka izy, ary nisy fitiavan'ny vahoaka azy ihany. Azony notehirizina hampiasaina amin'ny fotoana mahamety azy kokoa izany fa tsy amin'ny firotsahana ho filohan'Antananarivo mbola eo ambanin'ny fitondran-dRavalomanana.

Dia ahoana izao no ho tohiny? 

Hevitra

Fa ahoana kosa moa no ilazana fa rehefa manao politika dia mitady ny ambonimbony hatrany foana e? Ny zava-misy dia misy ny sakantsakana ho an'ny mpanambola tsy manohana ny fitondrana eto amin'ny tanàna. Ary ny vahaolana hananana sehatra amin'ny bizna misy eto dia ny fidirana amin'ny tontolo politika. Raha ny haben'ny patrimoine-n'i Andry TGV amin'izao fotoana dia sehatra eo amin'ny Ben'ny Tanàna dia tokony ho ampy ho azy hivelarany, satria ao no manome alàlana amin'ny tsenan'ny dokambarotra.

Nampidirin'i DotMG @ 14:21, 2008-01-16 [Valio]

Mety tsy ho sahin'i ra8 tsindriana na hoe hiodinana ampahibemaso ngambany i TGV ny tena marina satria manimba ny image-ny koa izany. Mety misy ny fingampingana madinidinika, mampaela ny fanaovan-javatra fotsiny ireny fa tsy hoe manajanona ny tokony hataon'i TGV akory.

Ny tena hevitro koa dia hoe tsy manao fingana i ra8 fa miezaka mi-regulariser ny fokasy natao tao @ mairie rehetra, dia dieny zao mbola en transition dia ahitsy doly izany. Ireny volan'ny JIRAMA tsy voaloha ireny ohatra, zavatra tokony naloa nge ireny e d mba araraotina kely hoe miova ny mpitantana d mba asisika ny an'ny JIRAMA...

Moa ihany koa hoe ny ataon'ny subalterne an'i ra8 hafa mety ho zavatra hafa ihany koa. Lery mety tsy te hitifitra mivantana an'i TGV fa ny hafa tsy dia mivakl loatra d lasa izao no hiafarany.

Na zany na tsy izany alou ra fiasco eo i TGV d noho izy ihany e. Tsisy zavatra illegal mintsy no nataon'ny fanjakana aminy eo... mety hoe misy fanaovana tsindrio fa lavo fa na izany aza izany no atao mitondra. Nga nisy niteny azy hoe ho mora nge io fika io :)

Ny fahitako azy nefa tsy ho fiasco tanteraka izany. Hahavita zavatra izy fa tsy hahavita zavatra hoe mampiavaka azy tanteraka @ ireo maire efa nisy teo aloha. Ry zala ireny nge tsy hoe dondrona tanteraka koa e. Ary tsy misy zavatra hoe tena mety ananan'i TGV fa tsy nisy tao amindry zala ireny mintsy. Hanao zavatra izany i TGV fa tsy hanao miracle kou izy. En gros, mety misy zavatra tsy ho vitany @ programany, ny tsy fantatra fotsiny hoe hatraiza ny habe an'zany. Mety hahavita ny 80% ny programany ve izy?

asa :)

Nampidirin'i simp @ 16:36, 2008-01-16 [Valio]

adino kely,

miankina @ pasin'i ra8 ihany no mety hahasimba ny avenir politika an'lery na vao mia-hi-booster azy

Nampidirin'i simp @ 16:37, 2008-01-16 [Valio]

pol'itika

Po'litika sa p'olitika sa pol'itika sa polit'ika
sa politik'a!!!!
Raha araka ny hevitro aloha ny fahamatorana politika dia ho nofinofin'ny olombelona e, tsy mamely an'i Hery aho fa na dia hoe tsy tahaka ny amin'ny tany lazaina ho manana politika matotra aza ny atsika.
Ny zavatra manahirana amin'ny politika manko dia izay miseho gazety ihany no fantatsika fa ny lazaina any an-katakonana, iza no mahalala?
Na Ra-8 na iza, na hanao zavatra illegal na hanao zavatra hafa!!! raha mbola matahotra ny hanangana ny andrim-panjakana araka ny lazain'ny art. 126 ao amin'ny Lalam-panorenana vaovao!!! sy ny sisa

Nampidirin'i Mpitsidika @ 17:01, 2008-01-16 [Valio]

ldomvxge

ydluwzqq [URL=http://fnxvqoqk.com]krttlxxr[/URL] mxghalnr http://ufbneggs.com ppvoucyl diupsoma

Nampidirin'i ldomvxge @ 11:43, 2008-01-24 [Valio]

Miarahaba e!
Miala tsiny kely aho ranamana fa somary diso ihany ianao @ ilay hoe hitady toerana ambonimbony kokoa i TGV nefa Antananarivo aza tsy vitany.
I TGV mantsy @ fifidianana manaraka dia mbola tsy azo ho fidina Prezida fa mbola tsy ampy ny taona ilaina @ izany ( sa kosa ny mandat aorian'io izany hoe afaka taona maro no tianao ho lazaina????

Nampidirin'i Raza @ 16:43, 2008-01-28 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Jiona 2018 »
At Ta Ar Ak Zo As Ah
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Rohy
  • Blogroll
Tahiry