« | »

Omeo an'i Sezara...

2008-10-19 @ 05:04 in Eritreritra mandalo, ItaliAfrika

Somary nanindrona ahy ny teny voalaza ao amin'ny baiboly izay hovakiana ho an'ny katolika eran-tany androany. Ah, mety misy tokoa ny tsy mahalala fa ho an'ny katolika Romana dia fombam-pivavahana iray ihany no iraisana eran-tany. Izany hoe mitovy avokoa ny teny ao amin'ny baiboly izay re eran'ny fiangonana androany. Ka androany dia ilay hoe "Omeo an'i Sezara izay an'i Sezara" (Jereo eto) no ho heno.

Tena indraindray mitovy fanontaniana amin'ilay rangahy ao amin'ny Baiboly aho manao hoe "Mety ve ny mandoa hetra?". Indrindra ho an'ny eto Italia izay firenena afrikana? Mahakivy mihitsy mantsy fa vola efa ho firy isanjatony amin'izay rehetra atao dia hetra ho an'ny fanjakana daholo kanefa toa tsy misy fiantraikany eo amin'ny fiainana andavanandro akory. Asa, mankaiza daholo ny hetra naloa. Mahamenatra mihitsy indraindray rehefa mba mitondra mpizahatany. Ny ahy tonga dia teneniko hoe "hizaha inona moa no nandehananareo taty?" dia lazaiko avy hatrany hoe "Tonga soa eto Afrika". 

Ohatra iray fotsiny. Isanandro isanandro, tsy misy andro iray maningana, dia tsy mba misy fotoana na iray aza mba hahafahanao miteny hoe afa-po amin'ny resaka fitaterana. Na tara ny train, na misisika be loatra tahaka ny sardines satria tsy nanaraka ora ilay teo aloha. Na koa dia maloto sy misy fofona hafahafa, vokatry ny fahasimban'ny chauffage ao anatiny dia manjary misy fofona gaz. Ny trano fivoahana moa amin'izany dia tsy lazaina intsony. Ary dia imbetsaka ry zalahy no mitokona. Dia izany ve no handoavana vola? Koa dia nanapa-kevitra aho efa ho 3 volana izay hoe tsy handoa billet-n'ny train intsony satria tsy mba mahafa-po mihitsy ny zavatra atolony. Raha tonga moa ny mpisava, izay mbola tsy tonga mihitsy, dia vonona aho handoa sazy. Efa tsy maty antoka rahateo aho na mandoa sazy aza satria efa ela ihany no tsy nandoa tapakila.

Dia mety ve ny mandoa ho an'i Sezara raha toa izany ny zava-mitranga? 

Hevitra

Fa aza adino koa ilay hoe omeo an'Andriamanitra izay an'Andriamanitra. Ka lasa manimba ny konsiasy rangahy rehefa nanao ny tsy fanao (nanao fanahy iniana tsy nandoha tapakila) ka tsy nanome izay tokony ho an'Andriamanitra.

Nampidirin'i Alaina @ 08:07, 2008-10-19 [Valio]

Miarahaba
Hay ve tsy mitovy daholo ny baiboly ? Fa izaho dia mahafantatra an'ilay katolika.
Mitovitovy amin'ny any Italia ny eto Frantsa momban'ireny fandoavana hetra ireny , ary manontany koa aho hoe mba mankaiza daholo ny vola omena (ho an'i sezara)isan-karazany , fa mbola betsaka ny zavatra mila fanamboarana .
Ho an'ny Eglizy dia omena ny (denier du culte sy quête)ary ireo fanampiana maro be .
Izany no mitohy hatrany ...

Nampidirin'i Tritriva @ 08:41, 2008-10-19 [Valio]

news2dago

Tena manjaka mihitsy Ravola izany raha dinihina lalina ilay lahatsoratra!

Nampidirin'i news2dago @ 08:51, 2008-10-19 [Valio]

Aloa, tsy mahazo tara:
ny volan' i Sezara,
ny hetran'ny fiara,
ny vola alefa any Gasikara

Nampidirin'i iNaivo-koely @ 11:01, 2008-10-19 [Valio]

hehehe

Lalina indray iny 'kano hihihi.
Zah ndray, rehefa ao Parisy, tsy sahy "manomboka" sao tonga dia tratra amin'ilay voalohany anaovana iny 'ko. lasa tsy rentable ilay izy hihihi. Fay amboalohany eo fotsiny ;).

Nampidirin'i Tokinao @ 11:03, 2008-10-19 [Valio]

Mitovy @ toriteny taty aminay ihany izy izany, nefa protestanta fa tsy katolika :)

za aloha tsy dia mahita hitarainana @ service public eto frantsa. Raha ny misy ahy toa mahafapo ahy ihany hafa tsy ny ho grevy grrrrrrrrrrr

Nampidirin'i maintikely @ 19:22, 2008-10-19 [Valio]

ra afaka mifidy i hery dia tokony mifidy izany... mametraka cezara manao ny tsara kokoa @ ilay volam-bahoaka...

ra tsy afaka mifidy cezara dia tahirizo ny "tax invoice" fa tokony afaka mitaky "refund". Ra tsy hoe jiolamboto koa ilay mpiasan'i cezara dia tsy omeny :)

Nampidirin'i simp @ 20:46, 2008-10-19 [Valio]

raha i Hery manokana no iresahako dia tenter aho hitovy hevitra amin'i alaina : manimba konsiansy rehefa manao ny tsy fanao (ny ligne de vie-nao indraindray manko tsy azoko fa toa miditra mivoaka raha izao no izy :-P) ka raha handresy lahatra amiko ny fitondran-tena kristiana ianao dia ianao no tokony ho modely amin'ny fanaovana ny marina (fa na ratsy na inona ny tolotra dia adidin'ny kristiana ny manao ny ara-dalana raha ny fahazoan'ny saiko adala azy). Fa raha jiolaka toa ahy dia tena mamporisika aho fa samy avo-tena ity kle !
Ka tsy haiko hoe hatraizan'ny fetran'ny fanaovana ny mety ho an'ny kristiana - satria mandika lalàna ny tsy fandoavana tapa-kila ry Hery...hihihi

Nampidirin'i ikalamako @ 21:11, 2008-10-19 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry