« | »

Noely toa inona?

2008-12-25 @ 20:00 in Izaho sy ny ahy

Efa taona maro nifanesy izay dia tsy mba mandefa fiarahabana noely amin'ny alalan'ny email tahaka ny ankamaroan'ny olona aho. Ny fialàna tsiny tamin'izany dia hoe satria ny ankamaroan'ny mpandefa ireny email ireny dia tsy mahalala akory hoe iza no handray azy... satria alainy daholo ny adiresy ao amin'ny lisitra ananany dia andefasany firariantsoa dika mitovy. Nony nolazaina anefa aho hoe mandefasa aza firariantsoa vitsivitsy dia mbola tsy vitako ihany... dia eto amin'ny blaogy no miala vonkona.

Amin'ny maha-kristianina ahy dia mankalaza ny noely amin'ny maha fahaterahan'i Kristy azy aho. Fa mahatsiaro manokana ireo izay tsy kristianina sy tsy mivavaka ihany koa indrindra indrindra. Noely toa inona no ankalazain'ny tsirairay? Tsy fifaliana ve? Tsy fanantenana ny hisian'ny fiadanana ve? Tsy ny fiandrasana ny maraina vaovao ve? Tsy ny fifankatiavana ve? Tsy ny fitiavana ve? Koa na kristianina na tsia dia toa mitovy ihany ilay fety nandrasana. Fifaliana fa nisy zava-baovao tonga indray.

Koa dia mirary soa sy fanambinana ho antsika rehetra izay sendra mamaky ity blaogy ity. Na ny mpino na ny tsy mpino. Na izay niandry noely na izay tsy niandry. Samy hahazo ny anjara fiadanana sy fifaliana tadiaviny avokoa.

Hevitra

Aza tsiny fa tara kely aho izany!
Dia miarahaba tratry ny Krismasy ho anao sy ny fianakavianao.
Mirary soa hatrany.

Nampidirin'i mangamaso @ 00:55, 2008-12-26 [Valio]

Misaotra amin'ny firariantsoa, dia samy hahita sy hahazo izay irian'ny fony avy ooooooo

Nampidirin'i yonikafopl @ 03:23, 2008-12-26 [Valio]

Andray ! Soa ihany fa ny ankamaroan'ny olona fotsiny no voalaza amin'ilay hoe email fa tsy hoe izy rehetra *** tsssss ***

hi hi hi

Nampidirin'i za tsy hiteny e ! @ 08:37, 2008-12-26 [Valio]

eka ouz, sôtsa tompoko !

Nampidirin'i ikalamako @ 15:19, 2008-12-26 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry