« | »

Mbola hifototra ny jiolahimboto

2009-03-17 @ 14:52 in Politika

Tsy resy lahatra aho amin'ny hilaminan'ny politika ao Madagasikara ao anatin'ny 2 taona farafahakeliny raha mandray fitondrana ny TGV. Tadidinareo ve hoe naninona ny MFM no tsy nahazo fitondrana mihitsy hatramin'izay niforonany izay? NY MFM/MFT an'i Manandafy Rakotonirina hatramin'izay no nitarika tolona teto Madagasikara. Hatramin'ny 1972, 1991 sns. Mitarika foana ry zalahy fa tsy tonga hatramin'ny farany satria matetika dia loham-boto izay afenina ao anatin'ilay teny hoe "Tolom-bahoaka" no ataony.Hatramin'izay tokoa dia miainga avy amin'ny MFM izay matetika manararaotra kely ny fihetsehan'ny mpianatra eny @ Oniversité ny tolona. Dia avy eo misy mandray an-tanana tampoka. Satria tsy avelan'ny olona hitondra firenena ny olona mpitolona. Hafa ny mitolona, ary hafa ny mitondra firenena.

Azo alaina sary antsaina sahady ary hoe iza marina no tena hitondra raha tafakatra eo ny TGV. Sarotra ihany ny hino hoe hitondra sy hahazo toerana daholo ireo mpitari-tolona ireo, i Andry ao anatiny. Tsy maintsy ho tonga tampoka ny mpandray fahefana izay heken'ny maro ho marimaritra iraisana. Dia hanilika tsikelikely ireo mpitolona nahavita adidy.

Izay indrindra no tsy hampilamina ny firenena ao anatin'ny 24 volana manaraka satria tsy vondrona milamina tahaka ny MFM ny TGV. Mora hatrany ny nanilika ny MFM hatramin'izay fa ho sarotra kosa ny hanilika ny TGV. Vao nahita an'i Jacques Sylla niverina fotsiny aza ry zareo dia efa niaka-pofona. Dia eritrereto hoe hiverina tsikelikely amin'izay ny dinaozaoro dia hiteny hoe mialà amin'izay nareo fa ho avy izahay. Tsy hanaiky velively ny hahilikilika ireo jiolahimboto ireo fa tsy maintsy mba hihinana izay anjarany ihany koa.  Fa raha manandrana manilika an'ireo dia hifoteran'ny rambony.

Ho hita eo ihany

Hevitra

Izay mamafy rivotra dia hijinja tadidio! za zao maniry mafy ny ady an-trano ao anatin'ny ekipan'ny tgv sy ny tompon'ity tolona ity koa! manahy mafy aho oe rà mandrika izy ity ary aza gaga raha maheno maty tsikelikely nareo any ampita any! maty hn ianona de avy eo ianona de toy izay hatrany io! fanjakana alaina @ basy tsy maintsy lavo @ basy ihany koa.

Nampidirin'i news2dago @ 17:55, 2009-03-17 [Valio]

Tena Marina

Aleo hifoterany any e! Zah hiraharaha?
Voamarina daholo tokoa ireo voalazanao ireo raha ny zava-mitranga tato ho ato no jerena! Araka ny hita tamin'ny vaovao haino aman-jery avy ivelany izao dia efa tsy niafina intsony koa pierrot rajaonarivelo nilaza fa efa ny feon'ny VAHOAKA no miteny ny tsy maintsy ialan'ny Filoha. Midika fa hody aby ny nanesi-tany ny tenany rehetra haka ny anjarany. Japio fa izao no fotoana hoy zareo! Izany rehefa tsy mba mieritreritra amin'ny loha ilay peta-tsanga fa amin'ny dériera!! Aleo hahazo ny sahaza azy e!

Nampidirin'i Jao @ 19:51, 2009-03-17 [Valio]

Sefo o ! Akanga aloha vao Reniakoho oah,aleo hilamina dia hisesy !!
Ohatrany mampahatsiahy ahy ilay tantara taloha koa ilay lazainao :fony ra8 niakatra dia hoe io zao an,efa mpanana be ka tsy hangalatra intsony,tsy ho tia kely kinanjo inona no nitranga rahavako , he he he feno avo firy heny ny paosiny,niha-natevina ny poketrany,ny ahy saika lasany,ny any tanindrazako moa manginy fontsiny ...
Ka hoy aho hoe aleo hiaraha-mahita fa vao manomboka ny lalao dia efa mitsoka siflet sahady ve nareo ?
Hoy ny havana dj hoe manomboka izao tsary hisotro j§ b intsony koa fa ronono tiko amizay any amin'ny boite de nuit !!!!...

Nampidirin'i fahamarinana @ 13:32, 2009-03-18 [Valio]

Raha mba te ho filoha ianareo dia tsotra fotsiny e, mitondra olona maromaro eo amin'ny 13 mai dia mody mivavabavaka eo dia mitabataba dia mandoro trano amizay dia rehefa ela misy reraka miambina anareo ny miaramila dia manaraka anareo koa dia maka ny palais dia mapiditra anareo ao dia zay e, ny HCC mametra @ fomba ofisialy izay sefo eo fotsiny avy eo sao soloindry zalahy mantsy dia tsotra e, dia filoha ianao.... menatra ah
Nampidirin'i dadafara @ 14:44, 2009-03-18 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry