« | »

Iny weekend iny... #Shoan

2010-02-23 @ 01:47 in Izaho sy ny ahy

Tsy haritro ny tsy hitantara ny zava-nisy tamin'iny weekend iny. Tany Paris sy Rouen dia hitako hoe nifangaro ny vahona sy ny tantely, ny fahanginana sy ny kotaba, ny tomany sy ny tsiky, ny fahakiviana sy ny fanantenana... fa nandresy hatrany iretsy faharoa.

Tamin'iny faran'ny herinandro iny tokoa mantsy no nanaovana ilay soirée Shoan dia mba anisan'ny tany aho. I Shoan dia mpanoratra lahatsoratra sy mpaka sary matetika tamin'ny vohikala vitsivitsy. Anisan'ny namana serasera koa izy hatramin'izao ary izy no hitako nanaparitaka na dia ivelan'ny serasera aza ilay hoe biz'oroka. Miady amin'ny aretina izy amin'izao fotoana izao ka natao io Takariva Shoan io mba hankaherezana azy am-pitiavana sy hanohanana azy sy ny fianakaviany. Fiaraha-misakafo no natao tamin'izany noravahan'ny hira sy korana tsotsotra. Afa-po ny rehetra, ny adidy vita ary ny fahafinaretana azo. Nisy ihany ny ranomaso latsaka nandritra ny hira sasany izay niaraha-nihira, anisan'izany ilay "Je n'aurai pas le temps" (Jereo etsy ambany) fa tsiky no nandravaka ny alina. Dia avy eo izahay mirahalahy nandeha taxi nanaraka an'i ra-west fa tsy omby ny vam loll

Ny ampitso, nony vita ny fivoriana nataon'ny mpandrindra ny serasera.org dia niara-niainga izahay vitsivitsy (9 mianadahy) ho any Rouen hitondra ny tatitra amin'i Shoan. Namirifiry ny andro sady efa harivariva ihany koa izahay vao tonga tany. Hafaliana no hita soritra teny amin'ny endriny sy avoaky ny vavany isaky ny lazaina azy hoe iza avy no tao amin'ilay Soirée. Fisaorana hatrany no averimberiny. Tsy maintsy hisaraka fa ny andro niha maizina, izahay rahateo mbola tsy maintsy hiverina ny androtr'io ihany ho any Paris afatsy i Rondro. Mafy ny fisarahana saingy tsy maintsy manana fanantenana sy finoana fa Kristianina ny tena. Manome hery rahateo ny faharetana sy herim-po ananan'izy tenany mitondra ny aretina sy ny fianakaviany. Fampianarana lehibe eo amin'ny fiainana ny tsikitsiky entiny... misaotra hatrany. Misaotra koa tamin'ilay divay tsy adino mihitsy ny nanafatrafatra azy na efa nodiako fanina ihany aza Tsy azo natao tao anaty bagage à main ilay izy dia nividy sac manokana mihitsy aho nitondrana azy :-)

Fisaorana no atolotra ho an'ny nampiantrano sy ny mpamily mandroso sy niverina tany Rouen. Isaorana ireo nitondra an'iny hevitra iny... ary isaorana ireo rehetra tonga nanotrona.

 

 

Je n'aurai pas le temps
Pas le temps

Même en courant
Plus vite que le vent
Plus vite que le temps
Même en volant
Je n'aurai pas le temps
Pas le temps

De visiter
Toute l'immensité
D'un si grand univers
Même en cent ans
Je n'aurai pas le temps
De tout faire

J'ouvre tout grand mon cœur
J'aime de tous mes yeux
C'est trop peu
Pour tant de cœurs
Et tant de fleurs
Des milliers de jours
C'est bien trop court
C'est bien trop court

Et pour aimer
Comme l'on doit aimer
Quand on aime vraiment
Même en cent ans
Je n'aurai pas le temps
Pas le temps

Je n'aurai pas le temps
Pas le temps...

Hevitra

dia miverina mijohy kely indray ny ranomaso mamaky ny lahatsoratra satria dia miverina antsaina daholo ny fotoana rehetra natrehana tany.
Misaotra antsika isika fa mahery ny tontolon'ny aterineto malagasy.

Nampidirin'i ikalamako @ 02:03, 2010-02-23 [Valio]

Tena tsarabe oe mahay miray ina ny gasy any ivelany any

Mirary soa bdb ho an'i Shoan sy ny Fianakaviany.
Mivavaka ho azy koa fa Andriamanitra mahalala izay mahasoa antsika tsirairay.

Enga anie mba hahay iray ina toy izany koa ny gasy eto antanidrazana.

Nampidirin'i soanindrina@hotmail.fr @ 06:09, 2010-02-23 [Valio]

Lalina tokoa izany fifankatiavana izany. Dia mankahery hatrany e. Azo sary an-tsaina mht ny zavatra nitranga rht @ fitantaranao azy eto io.

Tena tsy tantiko ny mahita olona marary oh io marina e!

Nampidirin'i news2dago @ 09:06, 2010-02-23 [Valio]

Mirary soa

Dia mirary fahasalamana feno ho an'ilay namana marary, Andriamanitra anie homba azy sy ny fianakaviany mandrakariva.
Enga anie hitohy hatrany ny fifankatiavana.

Nampidirin'i naritsimba @ 09:06, 2010-02-23 [Valio]

Misaotra Hery a! isika moa izany ilay namana natambatr'i Shoan, ary dia tena niara-nientana tokoa. Ho vetivety ho'aho dia tonga ny paradisa an-tany raha ohatrantsika t@ iny week end iny daholo ny fifandraisan'ny olona rehetra! Nahafinaritra!!Manoroka mamy sady mirary soa ho anao sy ny fianankavianao!

Nampidirin'i Nanouh @ 09:24, 2010-02-23 [Valio]

misaotra e,manja be ilay lahatsoratra ,mahalaza feno ilay fiarahana sy finamana :eo mandrakariva na ino-kidona na ino-kihatra !Izao ilay serasera mahafa-po sy mamelona Fanahy sy Aina !Mankasitraka ny namana nikarakara dia mankasitraka ny mpanotrona ihany koa ,isika rehetra mitambatra ilay hoe "Vato" e !
kiss sy tsiky dia ampy ho antsika ia ho an'ny Shoan ....tout simplement
Faha

Nampidirin'i fahamarinana @ 14:50, 2010-02-23 [Valio]

Mankasitraka tanteraka e!!!
Hitombo hatrany anie ny finamanatsika eto @ ity serasera ity e!, mahafinaritra

Nampidirin'i sipagasy @ 19:40, 2010-02-23 [Valio]

mmhh nandeha taxi annn mmhh, izahay efa nalahelo ery hoe tsy hitan'izy mitsam ny arret taxi kay moa ka.......(efa votsipika ny lahatsoratra) hihih

Nampidirin'i sipagasy @ 19:41, 2010-02-23 [Valio]

sipagasy : loolllllllllllll

Nampidirin'i ikalamako @ 20:30, 2010-02-23 [Valio]

Ny fifankatiavana no zava-dehibe

Nahafinaritra ny nijery ny sary sy ny rehetra e! Na dia an- tany lavitra aza dia mbola eo sy nanaraka foana ilay maha-malagasy, dia ny FIHAVANANA sy ny FIFANKATIAVANA.
Mirary fahasitranana ho an´i Shoan na dia mbola tsy mifankahalala ary izahay.Dia enga anie hitohy ny fifankatiavan- tsika na virtoaly aza.

Nampidirin'i maeva74 @ 00:07, 2010-02-24 [Valio]

Mirary soa indrindra sy fahasalamana feno haingana ho an'i Shoan. Mankasitraka ilay firaisan-kina izay nasehon'ireo efa solon-tenan'ny rehetra tany.
Ny adidy tsy an'olon-dratsy ka dia herezo hatrany isaky ny misy e !
Tsy hadinoko ny misaotra ny mapampita ny vaovao e ! coucou kely ho an'izy mianaka any an !

Nampidirin'i Tsikisariaka @ 05:13, 2010-02-24 [Valio]

mirary soa

mahafinaritra f'inona ndray moa no hotenenina, tohizo ny firaisankina indrindra fa aty @ tanin'olona.
Mazotoa Shoan!

Nampidirin'i Mitia @ 11:52, 2010-02-24 [Valio]

Mirary fahasalamana ho an'ny Shoan!
Tsara ny miray hina sy mifanohana, tohizo hatrany fa tsy misy mahavita tena isika.

Nampidirin'i Zafintaolo @ 06:18, 2010-02-25 [Valio]

Fisaorana

Misaotra anareo rehetra nanafana ny takariva iny. Enga anie ka hitondra fahaslamana ho an'i Shoan ny fiarahantsika rehetra nikorana. Mino dia mino aho fa izay tsy vitan'ny Raolombelona eo @ lafin'ny fitsaboana,dia vitan'i ao Ambony.

Faly dia faly nahita anareo rehetra: Nanouh, Faha, Ikalamako, Tritriva ary ianao Hery sy ny tsy voatanisa.

Dia mbola mamerina ny Fisaorana mitafotafo fa tena tonga t@ ilay fiteny hoe "ny fahafinaretana ho azo/azy, ny adidy ho vita".

Ampitiavana,

Iatara (niara-nianatra t@ Shoan tao @ Esca, Antanimena)

Nampidirin'i Iatara @ 21:34, 2010-03-02 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry