« | »

Tonga soa eto Italiafrika 2

2011-10-21 @ 07:35 in ItaliAfrika

Tsy ity no lahatsoratry ny blaogy tokony hivoaka fa gravy fotsiny ilay nanjo nandritra ny oram-be androany tontolo andro iny (nb. Omaly) ka dia aleo mitantara kely.

Efa elaela aho tsy niresaka firy intsony ny momba an'Italiafrika. Tsy hoe nikisaka akory ilay kontinanta, na hoe nivoatra... Fa vao maika aza nitotongana. Ny Afrikana sasany aza moa nandritra ireny fihetsehan'ny tany Arabo ireny dia tsy nety nialokaloka teto Italiafrika. Naleony nitady lalana tany Eoropa. I Rachid izao efa tafita ao Marseille ao... efa tsy nihambo ho Afrikana intsony.

Tsy any no tena resaka fa fiarahabana an'ireo Malagasy namana maromaro izay tonga handranto fianarana eto Italiafrika. Hoy aho hoe tonga soa. Mino aho fa tsy hanana olana firy ianareo satria tsy dia samihafa firy amin'ny any Afrika ny eto. Ny vazaha fotsiny no maro an'isa amin'ny mponina.

Na izany aza dia misy zavatra vitsivitsy mety hahaliana anareo momba ny toetran'ny Italiana.

- Toa ny any Afrika, ny Italiana dia be resaka. Mitabataba eny ambony bus sy train. Milelalela amin'ny tele sns. Efa ao anatin'ny rany io ka tsy azo esorina. Misy lafiny tsara anefa io indrindra rehefa tsy mbola mahay teny italiana tsara. Mba miitabataba tahaka azy koa. Aza matahotra hoe tsy ho azony fa ny fihetsiky ny tanana fotsiny no ataovy betsaka. Na ry zareo koa aza tsy mifankahazo raha tsy mampiasa tanana.

Ny Italiana amin'izao tena lasa mpanavakavaka be. Indrindra hatramin'ny nisian'ny krizy. Ny antony dia toy ny any Afrika, lasa niha nahantra ka lasa samy maka ho azy. Raha mba miasa ianao dia mimenomenona izy hoe mangalatra ny asa tokony ho azy nefa izy amin'io kamo tsy hahavita ilay asa akory

Aza gaga raha toa feno fako eny an-dalana. Misy mpiasan'ny voiries koa aty ary tena be karama fa aleon'ny commune tsy mampditra mpiasa intsony mba hampitombo ny karamany.

Aza gaga rehefa misisika be sy anki-tolona ny miditra anaty bus sy train. Tsy ampy, toa ny any Afrika koa ny fitaterana eto. Ary izay kely mandeha dia efa tonta be sy maloto.

Ary aza gaga raha misy ireny toy ny androanyy ireny. Rano be hatreny an-poto-pe kanefa orana tsy ampy adin'ny efatra. Ny antoko ankavanana no mitantana an'i Roma amin'izao. Tsy misy fijerena ny madinika izany. Nisy vola 2 millions d'euros nomena ny comune hanamboarana indrindra ny tatatra sy ny fivoahan-drano rehhetra. Mbola safo-drano ihany Roma. Ny paosiny no notsetsemany.

Betsaka ny zavatra mbola ho hitanareo eto mitovy tanteraka amin'ny any Afrika... ny tombony dia hoe tsy mila mizatra firy intsony fa tonga dia tamana. Dia raha tena te ho any an-dafy dia mba mivoaha kely an'i Italie.

Ito ambany ny video sendra nalaiko omaly

Toa izao kosa ny video sasany

 

Hevitra

Gravy be izany tondra-drano izany. Sady amin'izay ao an-drenivohitra.

Nampidirin'i lehilahytsyresy @ 08:31, 2011-10-21 [Valio]

oay le, toa tena Venise faharoa . aleo tonga dia manamboatra fiara miova gondole rehefa avy ny orana, mety ho be mpividy an ! Hay ve toy izany ny any Italie e, tsy nampoiziko indray iny kle ! Tsara structures ny aty France raha izany. OAY le !

Nampidirin'i Kdaombaramita @ 08:55, 2011-10-21 [Valio]

ary manao ahoana ny qualité-n'ny fianarana any ? reconnu internationalement ve ny diplôme ?

Nampidirin'i Kdaombaramita @ 13:15, 2011-10-21 [Valio]

kdaombaramita> hihihi. Eny

Betsaka ny manam-pahaizana mivoaka avy eto ka, na italiana na tsia.

Nampidirin'i Hery @ 13:30, 2011-10-21 [Valio]

Mampalaelo!

Mahafinaritra mamaky an'ilay izy, nefa mampalaelo... Taitra tokoa ah nahita an'io tamin'ny Yahoo dia afaka manamarina ah oe Afrika ihany italie. Ny aty dago aza efa mba mahazaka orana amana ora firy! de manao ahona ny tohiny? tantarao ihany... fa ilay italianina be tabataba arakarak'ilay toerana satria sud no tena otrizany fa ra makany am nord enao mangina be ny train :) ny maha afrika an'ny italie dia mitovy an'ny maha afrika an'ny afrika amin'ny resaka fahantrana : misy mangalatra ny vola tokony anaovanjavatra...

Nampidirin'i mimisimply @ 14:52, 2011-10-21 [Valio]

Hampiditra hevitra

Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Mey 2017 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Rohy
  • Blogroll
Tahiry