« | »

28 janoary 1958 nahaterahan'ny Lego

2015-01-28 @ 22:02 in Eritreritra mandalo, Izaho sy ny ahy

Marina fa tiako i Lego sy ny angorodaony saingy tsy mikasika azy mihitsy ity lahatsoratra ity... asa nefa sao dia avy amin'ny Lego tokoa no nakan'ny ray amandrenin'i Lego ny anarana hoe Lego :-).

Sary Lego

Lego hafa mihitsy no tiako holazaina mantsy, dia ilay kilalao plastika atambatambatra, miloko maromaro, hahafahana mamorona zavatra maro. Androany 28 janoary hono no tsingerin-taona tena niforonany ara-dalàna... izany hoe nanoratana azy ara-panjakàna. Ho ahy dia anisan'ny nofinofy fahakely adino ilay izy ka nipongatra indray nony nanan-janaka. Dia nanomboka nividianako potipotika Lego ny boay kely ka dia rafitra mandrava sy manorina tokoa. Ny tena lafy tsaran'ilay Lego dia tsy manam-petra ny famoronana. Ny fetrany, mazava ho azy, dia rehefa tsy ampy intsony ny biriky kely. Manitatra tsara ny sain'ny ankizy kely ilay izy, noho izany, ary mandany andro azy ihany koa. Mihena ny fotoana laniny amin'ny kilalao elektronika na ny fahitalavitra. Ny mahasosotra fotsiny dia tsy maintsy ravaina izay vita. Indraindray teneniko mihitsy izy hoe antsoy aho rehefa mahavita zavatra tsara dia alaina sary alohan'ny handravàna azy... saingy tsy vatra.

Indro sombintsombiny amin'ny Lego nataon'i Aina.

 

Na izany aza dia apetrako eto ihany ity hiran'i Lego (mpihira malagasy) ity... dadilahy (Ny daddi dia kodiakely amin'ny teny italiana... mbola kilalao koa :-) )

Hevitra

zah koa ry sefo dia tia lego mihitsy... i Lego sy i Birizity eo ho eo ihany :D :D :D
Dia misy karazany iray izay koa azon'i Mialy t@ mbola kely, somary anjazavavy mihitsy ilay izy dia nataonjareo karazana poketra ny fitoerany, sady fitondrana azy mandehandeha (shhh tsy mety asiana sary kay ny hevitra ato mdrrrr). Vao haingana aho nitady zavatra tanaty mpirin'entana dia tazako lay izy dia navoakako indray nolalaoviko kely. Misy karazany ny piesiny, dia misy boribory mihitsy

Nampidirin'i ikalamako @ 23:10, 2015-01-28 [Valio]
Hampiditra hevitra

E-mail me when comments occur on this article
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry