« | »

Hitsangana indray ry Rainisoazanatasy

2016-07-08 @ 18:19 in Politika

Lany teny amin'ny Antenimieram-pirenena alina hono ny Lalàna mifehy ny fifandraisana. Raha fintinina dia sivana sy famehezam-bava ho an'ireo mpikirakira vaovao sy ho an'ny rehetra no ao anatiny. Araka ny vaovao farany dia nitsipaka izany ny RSF sy ny UPF. Tsy vaovao intsony nefa izany ho an'ireo niaina tany amin'ny taona 80 tany. Imbetsaka no nahita gazety nisy faritra na pejy fotsy tanteraka satria nandalo sivana tamin'ny ora farany. Fa ny nahay azy dia ny Gazety Lakroa izay nisy an'i mompera Remy Ralibera sy ny ekipany. Hainy ny nihoatra ny sivana ka tafita foana ny hafatra nefa sarotra dia sarotra ny nanakana ny Gazety Lakroa hivoaka.

Tamin'izany no nahenoako andry Rainisoazanatasy.

Rainisoazanatasy dia vahoaka ao amin'ny RBDMNK (raha tadidiko) izay miaritra fijaliana sy fahoriana. Misy itovizany betsaka amin'ny an'ny Malagasy ny fiainany, fa tsy Malagasy ry zareo :-) Ka dia ny fiainan'ny Rainisoazanatasy sy ny RBDMNK no voatsikera sy toroana hevitra tao.

Izany no fomba iray nataon’ireo mpanao gazety tao amin’ny Gazety Lakroa nitsikeran’izy ireo ny fitondrana izay tsy azo notsikeraina intsony tamin’izany fotoana izany. Izany sisa no nahafahany nampita ny zava-misy ho an’ireo mpamaky. Isaky ny misy zavatra mitranga eo amin’ny firenena, na misy kabarin’ny mpitondra mila tsikeraina, dia ny mpitondran’ny Rainisoazanatasy sy ry Rainisoazanatasy no nahazo fananarana sy torohevitra.

Tamin'ny farany moa dia hoy foana ny lahatsoratra hoe "Hafa ihany ho'aho isika Malagasy e."

Koa raha izao no mitohy dia hitsangana indray ry Rainisoazanatasy sy ny fianakaviany hiseho gazety.

 

 

Hevitra

ikalamako

eny tokoa annnn... ary saika hadinoko ry rainsoazanatasy. Saingy manahy aho fa ny rainisoazanatasin'ny taona roa arivo dia tsy toy andrizareo tamin'ny revolisionina sosialista.... tena manahy aho.
Araka ny filazan'ny ankizy dia hoe efa reraka ny Malagasy ka tsy te hitolona intsony, zareo ihany hono no mahay mirevy io revy be any io fa tsisy haintsika aty ivelany. Mety toa izay koa ry rainisoazanatasy... tratry ny fanatontoloana. Enga anie aho ka diso aho.

Nampidirin'i ikalamako @ 20:02, 2016-07-08 [Valio]

Mila mpanaitaitra. Fa mpanaitaitra maharaka ny feeling amin'izao fotoana izao koa anefa. Satria tsy mandeha intsony ny fanaitairana taloha (tolona e, etc)

Nampidirin'i Hery @ 08:45, 2016-07-09 [Valio]
Hampiditra hevitra

E-mail me when comments occur on this article
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Jiona 2018 »
At Ta Ar Ak Zo As Ah
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Rohy
  • Blogroll
Tahiry