Hery - Tsiky dia ampy

Tsy tokony hampisaraka ny politika

Manomboka manangasanga any koa ny fiandaniana amin'ny vondrona politika eto Roma. Misy roa moa etsy andaniny ny fizarana politika amin'izao fotoana izao dia ny mpomba ny HAT sy ny mitsipaka ny HAT (izay mbola mizara roa ihany koa, hamerina an'i Ravalo na manohatra ny HAT fotsiny). Fa etsy ankilany ihany koa dia misy ny tsy te hiditra amin'ny resaka politika fotsiny tsotra izao. Ireo izay mieritreritra hoe mampisaraka ny politika ka raha ny Gasy izay efa vitsy kely eto Roma no mbola zarazarain'ny firehan-kevitra politika. Ireto farany dia miteny mihtisy hoe OLP na olona leo politika.

Arak'ireo ary dia misy firehan-kevitra politika maro sahady eto: Ny HAT-ers, ny anti-HAT pro-Ravalo, ny anti-HAT tsy pro-Ravalo, ny OLP, eny firehan-kevitra politika koa ny OLP. Fa voatery hampisaraka marina ve nefa ny fananana an'ireo firehan-kevitra ireo? Nahoana isika no "zara-zarain'ny" finoana nefa tsy misy olana? Misy protestanta, katolika, ny OLF (olona leo fivavahana?). Nahoana isika no zarazarain'ny "sexe" nefa tsy misy olana? Misy lahy, vavy, ny OLS (bi-sexe?). Nahoana no zarazarain'ny status nefa tsy misy olana? Misy manambady, misy tsy manambady, misy OLV (vady io fa tsy ilay anakiray). Nahoana no zarazarain'ny spaoro kanefa tsy misy olana be loatra :-) ? Misy pro-Inter, misy pro-Roma, misy ny OLB. Koa nahoana no mampisy olana raha OLP ny sasany ary GTT ny hafa na TGV ny hafa koa?

Tadidiko fa tany Rwanda tamin'ireny taona 1994 nampisy ny genocide ireny no nisy mpiray trano voatery nifamono satria tsy nitovy foko. Nony niady ny foko dia ilay rangahy ihany no nasain'ny mitovy foko aminy nitetika tamin'ny antsibe ny vadiny izay foko hafa. Kanefa nisy dia nisy koa ny iray fiangonana izay nampiraisin'ny finoana ka nifanampy indray aza na dia tsy mitovy foko.

Koa angamba amin'izao fotoana izao dia tokony ho rariny raha misy fianakaviana izay GTT ny rainy ary TGV ny zanany, na OLP ny vavy nefa mpitolona mafana fo eny amin'ny MAGRO ny lahy. Ary tsy tokony hisy hifanenjika amin'izany na hifandresy lahatra fa samy manana ny firehan-keviny.

Izany ihany koa no tsy anekeko ny fanaovana takalon'aina na fampihorohorona ny fianakavian'ny olona iray noho ny firehan-keviny. Satria ahoana no ahazoanao antoka fa mitovy hevitra amin'ilay olona iny avokoa ny fianakaviany? Tsaroako eto ny fotoana izay saika nisamborana lehiben'ny onjam-peo iray ao Madagasikara, dia rehefa tsy hitan'ny mpisambotra ilay rangahy dia ny vadiny no nalaina an-keriny. Toa izany koa ny nanjo an'ilay PDS iray izay, saingy ny an'ity farany angamba rehefa nojerena fa lasa mpikamban'ny HAT ilay ramatoa dia azo eritreretina ihany hoe mpiara-mitolona izy mivady taloha ka tsy amin'ny maha vadin'i PDS azy no nisamborana azy fa amin'ny maha izy azy mihitsy.

Koa miverina eto Roma aho, avelao ny OLP ho OLP fa aza taritaritina, mbola tsy vonona amin'izany izy. Avelao ny TGV ho TGV fa aza gidragidraina na dia vitsy an'isa aza... ary avelao ny GTT ho GTT raha izay no mahafalifaly ny fony.

Lasa ilay mpanjakan'ny "Pop"

Omaly alina dia efa niparitaka tao amin'ny twitter ny honohono hoe nodimandry i Michael Jackson. Betsaka ny mbola tsy nino satria tsy mbola tena nivoaka ofisialy ilay vaovao. Heno fotsiny hoe tratran'ny arrêt cardiaque kanefa mbola notsaboina sy nafindra hopitaly mihitsy... mbola nialàna nenina. Ora vitsivitsy taty aoriana anefa dia nambara ofisialy fa maty tokoa izy. Na teo aza ireo vaovao niely somary tsy dia tsara mikasika azy tao anatin'ny taona vitsivitsy izay dia mbola mijanona ho mpihira nalaza hatrany i Michael Jackson. Ny kapila Thriller rahateo no mbola be mpividy indrindra eran-tany hatramin'izao.

Miondrika eo anatrehan'izao olo-manga iray nandao ny tany izao koa aho. Anisan'ny nankafiziko ireo hirany sy ny firotsahany an-tsehatra hiaro ny ankizy. Ireo asa sosialy izay nataony ka nahatonga ny resa-be, na marina na tsy marina, nikasika azy.

Rehefa mbola velona tokoa ny olona dia tsy mahaleo ny fandoto iray tandroka ny fandio iray siny fa rehefa maty kosa vao ra-malala

Mandria am-piadanana

Nahoana no tsy manangantsaina?

Re fa betsaka ny olona tsy manangan-tsaina ao Antananarivo (ao aloha no hita). Mahagaga ihany raha ankatoky ny 26 jiona toa izao no vitsy saina mihofahofa eran'ny lavarangana... Fa fantatrao ve hoe nahoana no tsy manangan-tsaina ny olona?

Eny, mety ho hadisoana ny mampifangaro ny adilahy politika amin'ny resaka fetin'ny fahaleovan-tena kanefa toa izao ny hevitry ny olona:

Tsy manangan-tsaina izahay fa mbola tsapanay hoe ambany ziogan'ny mpanjanaka amin'ny fomba hafa i Madagasikara. Mbola ny Frantsay no mibaiko ny fomba handaminana ny politika eto Madagasikara. Niady mafy ireo Raiamandreny nitady fahafahana sy fahaleovan-tena kanefa ankehitriny dia nohosihosen'ny sasany izany ka aleo ampirimina aloha ny saina mandra-pahazo ny tena fahafahana indray.
Tsy manangan-tsaina izahay mba ho fanajàna ny saina sy ny fiandrianam-pirenena. Mandritra izao fotoana teteza-mita noterena izao dia tsy hitsangana ofisialy ny saina satria tsy voahaja ny safidy natao tamin'ny fifidianana.
Tsy manangan-tsaina izahay na dia saika hanangana ihany aza satria heno fa izany no fomba mangina hanoherana ny fitondran'ny FAT. Tianay haseho fa mitaky ny ara-dalàna izahay na dia tsy mirotsaka eny an-dalambe sy tsy mitady ady saritaka aza.
Tsy manangan-tsaina izahay satria tsy tianay ny fandrahonana atao ofisialy hoe izay tsy manangan-tsaina dia tsy karakarain'ny ao amin'ny fokontany ny taratasy. Tsy fotoanan'ny fampihorohoroana izao... ary tany demokratika i Madagasikara. Raha tsy izany dia naleo nijanona tamin'ny teo aloha ihany.
Tsy manangan-tsaina izahay satria tsy manam-bola hividianana na hanamboarana saina.
Tsy manangan-tsaina izahay satria aiza moa no hatsanganay ny saina? Eny ambany tonelina ve? Ny trano aza tsy anananay.

Dia inona no antony hanangananao saina?

Valin'ny Fanontaniana ho an'ny Kristianina?

Tsy miambo hamaly azy rehetra aho, tsy miambo hisolo tena ny kristianina rehetra ihany koa fa valiny tsotsotra no omeko.

http://voromailala.blaogy.com/post/12/6542

1°/ Avant la création de l’univers (terre et cieux, galaxies….), Le Christ et le Saint-Esprit avaient ils une existence avec Dieu, ont-ils participé à la création de l’univers ?

C'est la même question que "Qu'y avait-il avant l'existence de Dieu?". Le Christ et le Saint-Esprit ont la même nature que Dieu le Père. Ils font partie des trois personnes mais UN Dieu. Bien sûr, il faudrait accepter le fait que Dieu est Trinité pour pouvoir accepter cette co-existence.

Ensuite, dans l'Evangile de Jean Chap. 1. ¹Au commencement était la Parole, et la Parole était avec Dieu, et la Parole était Dieu.

Encore, il faudrait accepter que la Bible soit Parole de Dieu pour pouvoir accepter cette co-existence.

2°/ Pourquoi il n'y aucun passage ou Jésus dit "je suis votre Dieu adorez moi" , alors que c'est le dogme principal chez les chrétiens aujourd'hui ?

Il n'y a non plus aucun passage ou Jésus dit "Je ne suis pas votre Dieu, ne m'adorez pas." Alors pourquoi vous ne l'adorez pas?

3°/ Pourquoi les autres nations ( ceux qui sont venu avant le christ et dont les prophètes ) ne croyaient pas à la trinité , seraient il envoyé en enfer pour cela?

Parce que c'est le Christ qui a révélé la Trinité. Ils ne seront pas envoyé en enfer pour cela. De même, ceux qui sont nés dans la jungle, et meurent dans la jungle, sans avoir entendu parler du Christ, n'iront pas en enfer pour cela.

4°/ Si Jésus est Venu pour délivrer l'humanité du péché original commis par Adam, pourquoi ne l'a t il jamais dis ? vu que la bible ne contient aucune parole du christ parlant du péché originel , on signale la que cette doctrine a été développée bien après au début du V e siècle par un prêtre nommé augustin.

Et de quel péché parle la bible? Et de quel péché Jésus veut-il délivrer l'humanité?

5°/ pourquoi Dieu le tout puissant devrait il faire descendre son prétendu fils pour pardonner aux gens leurs péchés , ne pouvait il pas simplement pardonner ces pèches?

Si, il pouvait tout... Depuis le debut, il envoyait les rois, les juges, les prophètes, mais cela ne l'empêche pas d'envoyer aussi son Fils, comme c'est pour lui le plus grand signe de son amour envers nous. Et ne sois meme pas surpris s'il continue à envoyer des messagers comme Mahomet, des gens simples comme vous et moi, toujours pour aider les autres à cheminer vers lui.

6°/ Comment Dieu peut il être trois en 1 et un en trois (sans donner l'exemple de l'œuf ou celui de la pomme qui n'y correspondent pas) ?

Quand on commence à posser la question "Comment", on devient Chrétien parce que la foi subsiste seulement quand on n'arrive pas encore à comprendre.

7°/ Si le christ est Dieu pourquoi le christ affirmait que c'est Dieu qui l 'a envoyé ?

Et quand il a envoyé les apôtres, des hommes, cela veut-il dire qu'il n'est pas homme?

8°/ Si le christ était d'accord sur ce qui lui arrivait et qu'il était Dieu pourquoi prierait il sur la croix "eli eli lama chabaktani": mon Dieu , mon Dieu pourquoi tu m 'as abandonné ?

Donc, vous croyez ce qui est écrit dans la bible, c'est déjà un grand pas en avant. Plusieurs paroles de Jésus citées dans le nouveau testament (ici Selon Matthieu 27, 46) sont des prières de l'ancien testament, surtout des Psaumes (ici Ps 22(21)). Ce Psaume évoque la prière du juste souffrant. Jésus, évoquant ce psaume, ne mettais en doute l'amour de Dieu, mais répète la prière du Juste qui souffre... et rend grace (Comme dans le Ps 22)

9°/ Quand Dieu , le créateur était sur la croix ( gloire a lui de ce qu'il prétendent) , qui c'est qui s'occupait de la terre et des sept cieux, qui répondait aux prières de gens , qui.... ?

Là vous êtes seulement dans la confusion humaine. Il faudrait d'abord accepter que Jésus est "Pleinement" Dieu et "Pleinement" homme pour pouvoir accepter que Jésus Fils de Dieu a accepté d'être traité comme humain par les humains. Et puis, ce n'était pas Dieu le Père qui était sur la Croix.

10°/ pourquoi la libération des péchés n a pas été faite au temps d'Adam?

Et comme on est là, pourquoi Dieu n'a pas tout de suite créer 6 milliards d'humains au lieu d'en créer seulement deux?

Ny avatar no fototry ny olana omaly: voahitsy

Efa nampoiziko ihany hoe hivika ny serveur vokatry ny avatar satria isaky ny mitranga ny sary anakiray dia misy query mysql vitsivitsy. Mandalo controller sy model normal mantsy ilay avatar dia miantso queries amin'ny database na dia tsy ilainy akory aza. Tsy ilainy satria efa en cache daholo ny sary aorian'ny nanamboarana azy.

Hatramin'ny androany izany dia isaky ny misy avatar iray mivoaka dia tahaka ny manokatra ny takelaky ny avatar.serasera.org ihany. Rehefa miha mitombo ary ny mpampiasa sarintava, ka mitombo koa ny site hahafahana mametraka sarintava dia niakatra be ny connexion t@ mysql dia tratran'ny "too many connections" aho. Dia nijanona ny mysql ho an'ny sasany.

Amin'izao ary dia tsy mandalo controllers sy models intsony ny avatar fa tonga dia mampiseho ilay sary amin'ny alalan'ny lien direct. Raha manokatra sary http://avatar.serasera.org/9e9b2fd0c6f1ac3acb05a54e904a4b83.jpg izany dia tonga dia ilay fichier 9e9b2fd0c6f1ac3acb05a54e904a4b83.jpg mihitsy no sintomina fa tsy mandalo controller mijery ny uri intsony.

Mba hanaovana an'izay dia novaina ny .htaccess mba hijery avy hatrany hoe aiza ilay sary... fa tsy handalo base de données intsony.

Vokany, nihena be 95% ny utilisation base de données avy amin'ny avatar.serasera.org dia milamina indray ny serveurs.

Sarin-tava farany hitako izao: