Tsy ry zareo ihany akory - Panama Papers
Mipoaka be ny resaka Panama Papers #PanamaLeaks tamin'ity herinandro ity. Izy ity dia fanatsikafonana, tamin'ny alalan'ny famoahana ireo dossiers maromaro sendra tsy voapirina tsara, ny fomban'ireo mpanambola sy mpitondra maro amin'ny firenena maro izay manorina orinasa sy mampiasa vola any amin'ny tany tsy dia misy fanarahana hetra loatra mba hialàny amin'ny fandoavan-ketra eo amin'ny taniny. Samy miandriandry hoe iza avy no ho tratran'ny ampamoaka. Efa misy anarana ngeza mivoaka, toa voatonontonona ao koa hono hatramindry Messi, Platini sns. Toa misy ihany koa ny avy ao Madagasika fa mbola tsy fantatra hoe iza. Dia mifampiandry kendry tohina eo aloha.
Protestors call for Iceland PM to resign over #PanamaLeaks corruption scandal... Its the Arab Spring turned global! pic.twitter.com/5jyYDIAjiX
— Rula Jebreal (@rulajebreal) 4 aprile 2016
Fa alohan'ny hanondroana molotra azy ireo, izay tokony hofaizina mafy tokoa aloha, dia tokony samy mandini-tena. Hatraiza ny fandoavanao hetra eo amin'ny taninao na eo amin'ny tany hivahiniananao. Mora be ilay filazàna hoe tsy mipàka amin'ny fiainana andavanandron'ny vahoaka akory ilay hetra ka aleo samy tsy mandoa. Kanefa toa vahaolana diso ihany izany satria dia hiara-mifafa eo. Fa raha toa tokoa ka tsy misy fiantraikany amin'ny fiainana ny hetra dia ny fitondrana izay tsy mampiasa izany araka ny tokony ho izy no tokony harodana.
Nampiasa anaram-bady hono ireo tsy mpandoa hetra
Manomboka amin'ny zavatra kely indrindra ny ady amin'ny tsy fandoavan-ketra ary tsy maintsy hiaraha-manao. Raha olona vitsy fotsiny mantsy no miezaka mandoa dia mitovy amin'ny tsy misy ihany. Miainga amin'ny fahazarana faran'izay kely indrindra, maka faktiora foana rehefa mividy zavatra... ary manome faktiora foana koa rehefa manome zavatra.
Ho anay eto Italia, ny zavatra novidina, na dia kafé iray kaopy aza, dia misy ampaham-bola mandeha any amin'ny fanjakàna rehefa nisy taratasy manamarina azy. Imbetsaka mihitsy no tsy manome taratasy ny mpivarotra rehefa tsy mitaky ianao fa odiany fanina. Nefa midika iny fa tsy voarotsaka any amin'ny kitapom-bolam-panjakana ny 10%-n'ny zavatra novidinao.
Mitaky fandraisan'anjaran'ny rehetra izany. Ankoatry ny fandoavanao ny hetranao dia anjaranao koa miteny ny hafa handoa ny anjarany.
Les mauvais colocataires...Il est temps d’obliger les grandes multinationales de payer leur juste part d’impôt. Signez notre pétition et rejoignez le mouvement contre l’évasion fiscale. http://oxf.am/Fb6m
Posted by Oxfam France on Sunday, April 3, 2016
