Ny karazan-tsarimihetsika tiako

2020-12-06 @ 13:01 in Sarimihetsika

Notezaina tao anaty boky romans aho fony kely. Tsy dia hoe notaizana ahoana fa i mama no tena mpamaky an'ireny collections "Fleuve Noir" sy "Série noire" ireny. Mpanakalo an'ireny boky ireny teny amin'ny tohatohabaton'Ambondrona mihitsy. Nisy SAS maromaro koa tsikaritro fa tsy dia voavakiko firy satria sarotra azo Tongue out. Tom Clancy koa tena nahaliana ahy, na dia ny fonony fotsiny aza dia efa waow.

Angamba noho izany no nahatonga ahy tia films policiers fony kely ary nigorisa tsimoramora tamin'ny films espionnages izany taty aoriana. Vokany, James Bond rehetra efa saika hitako avokoa indrindra ireo nisian'i Sean Connery, Roger Moore (tiako kokoa), Thimoty Dalton, Pierce Brosnan (tsy haiko tamin'izany hoe naninona no nampanaovina James Bond) ary i Daniel Craig (nahafahako namaly hoe naninona no nampanaovina James Bond i Pierce Brosnan). Tsy aritro mihitsy rehefa misy resaka CIA, KGB ny film iray.

Amin'izao firongatry ny Video streaming izao, Netflix sy Amazon prime sy ny afa, dia ireo karazan-tsarimihetsika ireo no trandrahako voalohany, na nalaina tamin'ny tantara tena nisy na tantara noforonina.

Hapetrako tsikelikely eto ary ireo lohateny efa nojereko taloha sy vao nojereko mba ho tadidy hoe efa hita.

Raha misy hafa tokony ho hitako dia teneno ihany :-) 

Anisan'ny vitako tato ho ato: 

 

 

 

-----

Ny sarimihetsika malagasy sy Netflix

Tato ho ato dia mahazo vahana ao amin’ny Netflix ny sarimihetsika afrikana. Tantara vokarina na tohanan’ny Netflix manokana. Angamba vokatry ny valanaretina COVID19 satria vitsy kokoa amin’izao ny horonantsary amerikana sy eoropeana noho ny fitandremana tsy ho voan’ny aretina. Misy rahateo ireo mpamokatra sarimihetsika no minia tsy mamoaka ny horonantsariny mba hialàna amin’ny fatiantoka.

Fa ny manaitra dia tantara tsotra, fiainana an-davanandron’ny afrikana no tantarain’ireo sarimihetsika ireo. Mikasika ny kolikoly, ny tsy fandriam-pahalemana, hasin’ny vehivavy. Tsy dia noraisin’ny Netflix ireo horonan-tsary mampalaza ny afrikana mitantara famosaviana izay mampalaza ny mamokatra sarimihetsika Nizériana sy Gahaniana. Toa te haneho hoe miaina fiainana eo anivon’ny fotoana iainany koa ny Afrikana fa tsy voatery hiresaka mikasika ny fomban-drazana sy “folklore” foana.

Dia mampametra-panontaniana hoe hatraiza tokoa ny fivoaran’ny sarimihetsika malagasy amin’izao fotoana izao? Misy vokatra mivoaka foana nefa toa tsy dia tena lalina loatra. Fampihomehezana matetika no votoatiny. Misy ihany ny tsy dia natao hihomehezana saingy tsy mampitaintaina sy tsy manaitra loatra. Angamba tokony hiova lohahevitra amin’izay. Atao mitovitovy amin’ny tantara henoina. Tadidiko ireny tantara taloha nampalaza andry Vahandanitra, Solofo José, Clara, Gégé, Clotilde sns ireny. Mitangorona eo ambody vata fandraisam-peo avokoa ny rehetra. Sarotra be ve ny manatontosa ny toa azy ireny ho tonga sarimihetsika indray? 

Mino aho fa raha manana votoatiny mafonja sy tsara rindra ny sarimihetsika malagasy mety mba ho tafakatra tsikelikely… ary nahoana moa no tsy ho tonga any amin’ny Netflix koa?

Ireto ireo films afrikana vitsivitsy ao amin’ny Netflix mety mahaliana, Adù, La convocation, Azali, Resgate...

 

Anontanio ahy daholo...

2015-03-10 @ 21:30 in Sarimihetsika

Fampidirana kely aloha. Mijerijery blaogy maromaro aho (anisan'ny mahafinaritra ahy ny mamaky blaogy) dia mahita fa misy endrika vaovao tena miparitaka be amin'izao. Tsy mikasika ny votoatiny akory satria iny efa samy manana ny fomba fanaony, fa mikasika ny endrika ivelany, ny paozin'ilay blaogy mihitsy. Inoako fa vokatr'ilay resaka "responsive" ilay izy. Ny "responsive design" hono dia hoe ny fanaovana ny endriky ny vohikala na blaogy iray mba ho azo jerena amin'ny fitaovana maro samihafa... ordinatera, finday, tablety sns. Dia nalaiko ny finday, nojereko ny blaogiko fa tena tsy mbola responsive mihitsy. Ahoana tokoa moa no haha-responsive azy raha tsy atao responsive loll. Koa mieritreritra aho hoe hanamboatra endrika vitsivitsy responsive ampidiriko ato amin'ny blaogy.com ka raha mahaliana anareo dia afaka mampiasakoa ianareo.

Ask me anything

Fa ny tena resaka androany dia resaka sarimihetsika iray nahafinaritra... fa asa na mahasoa. (tohiny)

Volombatolalaka dimampolo karazana - Hijery?

2015-02-13 @ 08:37 in Sarimihetsika

Rahampitso ny 14 febroary (grrr mitontona asabotsy) ilay andro malazan'ny mpanao bizna isankarazany, manararaotra ny fo mafanan'ny tanora (sa ny antitra koa?) mirehidrehi-pitiavana. Saint Val tokoa rahampitso, val comme valeureux, lafolafo daholo ny zavatra rehetra mikasika ny fitiavana sy ny menamena. Val comme valable, satria dia valables daholo ny excuses rehetra voasaron'ny fitiavana. Val comme vallet... raha tena lehilahy dia misehoa :-) sa val comme vallée any an-dohasaha?

Fa ny tena resaka dia manintona mafy ilay film hoe "Fifty shades of grey" hivoaka rahampitso. Resaka tsy resaka momba azy eran'ny takelaka isan-karazany. Etsy ampitan'ny birao moa dia misy dokam-barotra goavana (io amin'ny sary). Ny tantara dia efa nivoaka boky tamin'ny 2011, nosoratan'i E. L. James mikasika ny fifandraisana lalina eo amina tovovavy mpianatra iray sy lehilahy mpandraharaha iray. Raha ny fahitana ny sombiny dia mafanafana ihany ilay izy ka tsy azo jerena miaraka amin'olom-pady... sao dia hoe fianakaviana iray manontolo no hijery film fa Saint Valentin.

Anisan'ny nampalaza ity sarimihetsika ity koa ny fisian'ireo dika hanihany (parodies) ataon'ny olona mikasika azy... misy an-jatony maro. Azonao jerena eto

Ito ary aloha ny sombiny dia ankafizo.

 

 

Hay tena nisy i Alan Turing

2015-01-21 @ 13:29 in Sarimihetsika, Tsy aritra

Alohan'ny tena resaka dia tsetsatsetsa tsy aritra kely mikasika ilay tenin'ny Papa omaly hoe tokony ho tompon'andraikitra ny raim-pianakaviana. Tsy tokony hitondra tena toa ny bitro katolika. Ny tena noteneniny dia hoe "Misy ireo miteny hoe ny katolika tokony hanao toa ny bitro... tsia... tsia". Avy eo moa izy nanazava ny ato hoe ray amandreny tomponandraikitra. Fanamarihana kely fotsiny fa hay tsy fantatry ny maro hoe ny Katolika dia tsy manaiky ny fanabeazana aizana afatsy ny natoraly. Izany hoe tsy manaiky fatotra, kapaoty, fanafody, FI.SA. Koa ny fanabeazana aizana hany voizina dia ny resaka fifadiana amin'ny fotoana maha lonaka. Izay no fitsipika sy foto-kevitra katolika. Ny tena katolika dia manarka an'io. Avy eo moa, toa ny lalàna rehetra io, misy ny mandika, misy ny tsy manaraka, fa tsy olan'ny mpanao lalàna intsony izany.

Fa ny tena resaka dia mety misy ifandraisany kely amin'izay ihany. Misy sarimihetsika mandeha amin'izao, "The Imitation Game", nanaitra ahy ny sombiny tamin'ny Youtube dia mba nijery aho. Tantara tamin'ny ady lehibe faharoa saingy tsy dia ilay ady amim-basy loatra fa ny taktika isan-karazany nitadiavana izay handresena ny Alemana. Ny alemana dia mampiasa tenimiafina amin'ny baiko alefany ho an'ny miaramila mpanafika. Azo vakiana tsara ny baiko saingy tsy fantatra hoe inona no tena heviny. Mila mahafantatra ny fifangaroan'ny tenimiafina vao afaka mahalala ilay tena baiko ao ambadiky ny baiko miseho. Ny tanjona izany raha te handresy dia ny mitady ilay tena baiko mba hahafahana miaro tena na manafika dieny mialoha. Izay no asa nampanaovina an'i Alan Turing lehilahy tsy dia mitovy amin'ny rehetra nefa nasaina nanao asa goavana noho ny faharanitantsainy... hitady ny tena dikan'ilay baiko. Tsy dia hotantaraiko amin'ny antsipirihany satria sarimihetsika vao nivoaka ihany ka sao dia mbola misy te hijery. Fa rehefa avy nahita an'ilay tantara aho dia nieritreritra hoe mety ho tena nisy tokoa izany tantara izany. Dia notadiavina tamin'ny Google dia hay tena nisy tokoa ny tantaran'i Alan Turing ary ny tantarany tokoa no asehon'ilay sarimihetsika.

Nanaitra voalohany aloha ny fomba nataon'ny olona tamin'izany fotoana izany ara-teknolojika. Toa tsy mampino rehefa mieritreritra ny finday sy ny solosaina amin'izao fotoana izao. Nefa dia tahaka izany tokoa no niantombohany. Ny kajy iray dia herinandro maro vao ahitan'ny milina valiny. Ny milina ampiasaina hanaovana izany kajy izany dia milanja an-taonina. Olona maro no miara-mieritreritra. Betsaka kokoa ny sakana kanefa betsaka kokoa ihany koa ny fikirizana. Toa mamantam-bonona ihany isika ankehitriny.

Fa nanaitra sy nahatonga saina koa ny fivoaran'ny fiaraha-monina rehefa mieritreritra hoe tamin'izany fotoana izany, izay tsy mbola 80 taona lasa akory izay, dia miafina sy voaheloka ireo izay manana fironana homosexuel. Amin'izao fotoana izao anefa izy ireo dia miantsoantso hanana zo be dia be toa ny hivady, hanana zanaka, tahaka ireo mpivady tsy mitovy ehy. Fandrosoana tokoa angamba.

Ny sombin-teny nanaitra tao anatiny sady azo entina  hikirizana amin'ny fiainana dia ilay hoe "Indraindray dia ny olona izay tsy eritreretina hahavita na inona na inona no mahavita zavatra izay tsy eritreretin'ny olona ho vita." "Sometimes it is the people who no one imagines anything of who do the things that no one can imagine."

Baikom-pitolomana: manao, manao, manao hatrany (izay vita eo vita fa mila mahavita)

Toa izao ny resaka momba ny #imitationgame ao amin'ny twitter

Ilay fihaonana....

2014-09-11 @ 11:27 in Sarimihetsika

Nahafinaritra ahy ity sarimihetsika iray ity "Une rencontre" (2014) andraisan'i Sophie Marceau sy i François Cluzet anjara. Anaty fonosana, tena misy itovizana amin'i Dustin Hoffman tokoa i François Cluzet an. Tsy ho tantaraiko fa sao misy liana te hijery... fa tsy araka ny ampoizina ny farany. Ilay karazan'ny hoe maty ny "role" sns :-)

Une rencontre

 (tohiny)

Hatsaràna be vata

2014-03-04 @ 14:51 in Sarimihetsika

Fomba fiteny ilay "be vata" izay fampiasa any atsimo midika hoe Goavana ary naverimberin'ny pro-JLR nandritra ny nilazàny fa nisy hosoka ny fifidianana farany teo. Tsetsatsetsa tsy aritra iny fa tsy nandiso fanantenàna firy ny vokatry ny Oscars tamin'ity 2014 ity. Nahafinaritra ahy avokoa ireo horonantsary nandresy sy ireo mpilalao nahazo loka. Na izany aza anefa dia somary tara kely ihany aho tamin'ilay "La Grande Bellezza". Tsy mbola hitako ilay (tohiny)

Endaso e (Minnieone)

2013-10-30 @ 08:25 in Sarimihetsika

Tsy hiresaka fifidianana aho amin'ity lahatsoratra ity na dia mangidihidy faran'izay zokiny aza ny tanako... azonareo jerena ao amin'ny Twitter-ko rahateo ny hevitro vitsivitsy mikasika ny fifidianana izay tsy maintsy mbola hovoaboasako ihany rehefa tonga ny fotoana. Fa hiresaka sarimihetsika nahafinaritra ahy aho... na ny marimarina kokoa sary ahetsika. (tohiny)

Blanc d'oeuf pour réparer une fuite de radiateur?

2013-07-17 @ 08:43 in Sarimihetsika

Ary izaho ihany no tsy nahalala an'io fika iray io. Nijery an'ilay film hoe "Intercesections" (2013) aho vao dia nahita an'ilay Sahel nanetsina radiateur vaky tamin'ny atody dia nanamarina tamin'ny google raha misy manao tokoa ny toa izany. Dia gaga fa toa hoe nisy nanporofo tamin'ny Discovery Channel mihitsy ilay izy fa azo atao. Fa izany hoe ny tapotsiny ihany no tena ilaina, ary raha zara fa mitete koa fa tsy hoe ireny vaky be ireny.

Anisan'ny olana naha-may ny culasse-n'ilay fiara nentinay indray mandeha izay mantsy io. Ny andro alina, ny tena mandeha mafy, ny làlana mangina, ilay fiara rahateo efa somary vizana ihany ka tsy misy témoins intsony eo amin'ny tableau de bord. Sendra nisy fiara tao aoriana dia izay vao hita notarafin'ny jirony hoe manetroka be ilay fiara. Dia nijanona. Kay efa nidonaka be ny tao anaty motera ary tsy nisy rano intsony ny radiateur fa very daholo, nitete kay ilay radiateur tsss.

Voilà pourquoi je regarde aussi des mauvais films

2013-07-15 @ 09:05 in Sarimihetsika

Manaraha lamaody ihany hono mba tsy ho very lol. Ity misy "dokambarotra" manomboka miparitaka etsy sy eroa dia mahazo points be ny Tampax sy ny Rosiana fa hoe créative be ilay izy.

 

Fa ho an'izay sendra nahita an'ilay film ratsy hoe "Movie 43" (2013) dia mahatsikaritra fa anisan'ny ampahany ao io dokambarotra tsy tena izy io.

Io sarimihetsika hoe "Movie 43" io no sarimihetsika faran'izay ratsy nojereko tato ho ato (raha atao hoe mijery 5 isankerinandro aho). Tsy misy votoatiny, fitambatambarana sarimihetsika vitsivitsy... kanefa malaza satria misy mpilalao malaza maromaro milalao ao. Anisan'izany i Richard Gere, Kate Winslet, Naomi Watts, Halle Berry...

Dia misy film jereko tahaka izany, na dia fantatro hoe ratsy aza. Na ny marimarina kokoa tsy tiako. Satria mba te hahalala izay fantatry ny olona. Ireny Harry Potter ireny izao dia tsy tiako, saingy rehefa raikitra ny fitsikerana ilay sarimihetsika dia tsy maintsy efa mba nahita azy ianao. Ilaina amin'ny fahalalàna ankapobeny izany ilay izy.

Ireto misy film roa nalaza fa tsy voajeriko mihitsy "Seigneur des Agneaux", "Twilight"... ary misy hafa koa fa tsy ao antsaiko.

 

The last stand (2013)

2013-05-30 @ 07:21 in Sarimihetsika

Hita indray koa iny. Film gidragidra ilay mahazo mpijery betsaka any amin'ny salle video any Dago. Tsy dia misy votoatiny mivaingana loatra fa fanindraindrana ny héro anakiray izay lalaovin'i Arnold Schwarzenegger. Mahafinaritra fotsiny ny mijery azy. Tahaka ny avy mijery video fahiny tonga dia lasa ohatry ny matanjaka sy commando be daholo :-)

Et Dieu les créa homme et femme

2013-04-23 @ 17:32 in Sarimihetsika, Finoana sy Fivavahana

Fampidirana kely hafa mihitsy. Tamin'i Papa Fransoà lany dia samy nieritreritra ny maro fa hisy fiovana betsaka eo amin'ny Fiangonana Katolika. Nasehon'ny Papa tokoa izany fanombohan'ny fiovàna izany satria noraisiny ho tarigetra ny fanetren-tena ho azy sy ho an'ny Kristianina manontolo. Fa ny tena anisan'ny betsaka mpanantena dia hoe mety hanambady amin'izay ve ny pretra. Marihana aloha fa tsy ny pretra, ary tsy ny katolika akory matetika no manao ireo resaka ireo fa matetika dia ireo izay tsy katolika akory ka miandrandra fiovana na fisokafana kokoa eo amin'ny Fiangonana katolika. Ny antony tena nampivoaka ny resaka dia satria heno fa talohan'ny naha Papa azy ny eveka Bergoglio dia tsy nandà ny mety hisian'ny pretra manambady. Saingy nomarihany tsara fa tsy hoe famelàna ny pretra hanambady akory no tiany lazaina fa kosa ny famelàna ny olona efa manambady mba hanao pretra. Izany hoe mitombona ihany ilay hoe tokony tsy hanambady ny efa pretra... fa ho afaka manao pretra ny olona efa manambady. Tsy mampihena ny lanjan'ny fahambonian'ny "célibat" ho an'ny pretra izy amin'izay. Nolazainy tamin'izay fa tsy resaka foto-pinoana (dogmatique) izany fa resaka fombafomba (coutumes) ka azo atao tsara ny manova azy araka ny toe-tany sy ny toetr'andro. Amin'ny fiangonana katolika hafa toy ny "coptes" sy ny manaraka ny fombam-pivavahana "bizantinina" rahateo dia efa misy ny toa izany. Noho izany dia mety hisy ihany ho an'ny Katolika Romana ny mompera manambady any aoriana any.

 

Fa ny tena resaka dia somary (tohiny)

Rehefa ny finoana no... "Au-delà des collines"

2013-04-08 @ 18:09 in Sarimihetsika, Finoana sy Fivavahana

Nisy tovovavy anakiroa izay notezaina tao amina kilasimandry. Tena mpinamana tokoa izy roa ary lasa mpifankatia mihitsy aza taty aoriana. Nony efa lehibebe izy ireo dia niala tao amin'ny kilasimandry i Alina ary nandeha tany Allemagne ary nahita asa. Nony elaela tany izy dia tsy nahazaka ny nitoetra irery ka niverina haka an'i Voichita, ilay namana nilaozany, hiara-miasa aminy any Allemagne ihany koa. 

 (tohiny)

Upside Down (2012)

2013-03-02 @ 07:25 in Sarimihetsika

Mba tafiditra tao anatin'ny horonantsary tiako indray ity Upside Down ity. Efa elaela mantsy tsy nisy horonantsary nivoaka mba nahafinaritra intsony. Ilay tantaram-pitiavana tao anatiny aloha dia classique be ihany, indrindra ilay resaka amnésie kely, fa ny tena nahafinaritra dia ilay hevitry ny mpamorona mihitsy. Ny tontolo ambony sy ny tontolo ambany, ny fanazavàna tamin'ny mpijery hatrany amboalohany ny anton'ilay tontolo roa sy ny fitsipi-dalao iainan'ny mponina mahatonga fisian'ny tontolo.

Tokony mbola betsaka ny zavatra azo noforonina tao anatin'ilay izy fa angamba sarotra tontosaina loatra dia tsy nataondry zareo intsony. Matetika mantsy ny tantara tahaka itony dia voatery atao dessins animés mba hahatontosa azy fa sarotra amboarina rehefa tena olona no manao azy... na dia hoe effets spéciaux aza no be dia be.

Ankafizo ary... 

Film: Dépression et des potes

2012-11-18 @ 01:28 in Sarimihetsika

Horonantsary maromaro no nojereko tamin'iny herinandro iny fa tamin'ity farany ity aho vao mba afa-po... kanefa sarimihetsika frantsay ity iray ity. "Dépression et des potes" (2012). Maivana, manala vizana, mampihomehy nefa koa ahitana ireo olam-pianakaviana andavanandro (mpivady, tsy mpivady, niteraka, tsy miteraka)... 

Ah, ny horonantsary hafa nojereko dia "Ici-bas", "Escalade", "Miss Bala", "The watch"

 

Young adult (2011)

2012-05-11 @ 14:10 in Sarimihetsika

Lasa eritreritra be aho nahita an'ity horonantsary ity. Saika tonga dia nandray teny famaranana hoe "Gravy lahy ny fitiavana"... dia novaiko tampoka hoe "Gravy ihany ny vehivavy". Satria raha tsy ny vehivavy tsy hahavita tahaka izany. (tohiny)

Hatraiza ny fetra? Limitless (2011)

2011-10-27 @ 09:08 in Sarimihetsika

alt
Rehefa avy nijery an'ilay horonantsary hoe Limitless (2011) aho omaly dia lasa ohatry ny nitombo be izany ny fanantenako hoe mbola betsaka tokoa ny zavatra azon'ny saina atao fa vokatry ny fanadinoana fotsiny dia milevina ao anaty atidoha ao daholo ny fahaizana. Raha toa izany ka resy ny fanadinoana dia hitombo ho azy ny fahaizana satria hifoha avy ao amin'ny "sub-conscience" avokoa ny zavatra hay taloha. Izay no fiantombohan'ilay film hoe Limitless io.

Nalaina avy ao amin'ny boky iray hoe The dark fields ny tantara. Ary ny tanjona dia ny fitrandrahana (exploitation) ny atidoha hampiasa ny fahafahana rehetra ananany. Voalazany mantsy fa ny 10%-n'ny tanjaky ny atidoha ihany no miasa fa ny ambiny dia matory. Lasa lavitra be ny vinavina (imagination)-n'ilay mpanoratra ka mahafinaritra ny mijery ilay film... Ny mpilalao koa mahay tsara. Miserana ao amin'ity horonan-tsary ity i Robert de Niro ary tsy mandiso fanantenana na dia tsy izy aza no mpilalao fototra.

Io maraina io dia nojereko  tao amin'ny wikipedia ny mikasika ity resaka 10% ity ka nolazainy fa tsy marina ilay izy. Tsy ny 10%-n'ny tanjaky ny atidoha ihany no tena miasa. Lazain'io lahatsoratra ao amin'ny wikipedia io fa miasa ("active") daholo ny singa rehetra ao amin'ny atidoha... izany hoe tsy misy matoritory... tsy very nefa ny fanantenana :-p

Le complexe su Castor (2011)

2011-10-26 @ 04:26 in Sarimihetsika

Mr. Beaver PosterMitady torimaso ety ambony bus dia manoratra eto amin'ny blaogy vetivety. Tiako tehirizina ato fotsiny ilay film hoe "The Beaver" na "Le complexe du castor" (2011) tontosain'i Jodie Foster, ary lalaoviny miaraka amin'i Mel Gibson. Nety tsara mihitsy ny casting, ary tena efa mahay i Jodie Foster fa nivoaka tsara ilay izy.

(Attention, spoiler)
Mitantara ny dingana fanasitranan-tena (process of auto-healing) nataon'ny lehilahy iray izay tratran'ny depression ilay izy. Mba hahafahany manao ny asany sy ny fiainany ara-dalana dia nandray personnage hafa izy (castor) ka iny no nentiny nahatafita indray ny orinasa. Ny olany manokana, eo anivon'ny fianakaviany, izay tsy manaiky ny fisian'ilay "castor", anefa tsy mety mivaha. Dia io no votoatin'ny tantara.

Nety tamin'i Jodie Foster mihitsy ny "role" noraisiny, renim-pianakaviana be adintsaina (toy ny mahazatra), ary i Mel Gibson koa tsy nandisso fanantenana na dia somary mi-exagérer ihany aza izy. Fa misy an'ilay sipa iray iny (hjereko amin'ny internet refaveo ny anarany fa milalao amin'ny X-Men izy Jennifer Lawrence) hitako hoe tsara safidy koa. Misy mantsy tsy dia tafiditra loatra amin'ny personnage entiny.

Any am-piasana apetrak ny sary.

Inviato con Windows Mobile�.

Hitako ihany... finalement

2011-04-20 @ 15:08 in Sarimihetsika

Misy zavatra indraindray irina hojerena nandritra ny fotoana maharitra fa tsy mety hita mihitsy... satria tsy nanam-potoana naharitra hakàna fy azy, na koa tsy mbola nahita an'ilay tena qualité tsara. Fa tamin'ity kosa dia hitako ihany na dia efa 2 taona aza angamba izay no nilazana azy tetsy sy teroa. (tohiny)

"The tourist" (2010) Ao tsara

2011-03-29 @ 07:59 in Sarimihetsika

Na dia volana vitsivitsy aty aoriana aza dia miezaka mihitsy aho tsy miraty (teny Gasy avy amin'ny teny hoe mi-rater :-p) ny sarimihetsika lalaovin'i Angelina Jolie. Efa mikarakara an'ilay hoe "Cleopatre" izy fa amin'ny 2013 vao mivoaka, ka any indray isika mahita azy raha tsy tonga amin'ny 2012 ny farandro. (tohiny)

Helen et 600 Kg d'or pur

2011-01-31 @ 09:26 in Sarimihetsika

Manomboka miverina tsikelikely ny fiainana andavanandro taorian'iny vakansy lava tany Dago iny (wawawa). Dia nanomboka niverina nijery sarimihetsika koa aho. Ny manamboatra clip aloha mbola tsy tafa mihitsy. (tohiny)

Green Zone

2010-06-24 @ 21:37 in Sarimihetsika

Efa manomboka miverina mijery film indray izao. Film telo na efatra isankerinandro aloha no tratra. Tamin'iny herinandro lasa iny dia nahafinaritra ilay Green Zone (trailler etsy ambany). Ohatry ny te handresy lahatra hoe tsy nisy fitaovam-piadiana simika izany tany Irak fa fikafika fotsiny iny mba hanesorana an'i Saddam Hussein teo amin'ny fitondrana. Dia terena be fotsiny hoe hisy ary izay mitady hahafantatra ny marina dia faizina.

Hitako tamin'iny herinandro iny koa Micmacs à tire-larigot (2008) miaraka amin'i Dany Boon. Film nahafinaritra na dia efa tranainy sy kidaladala ihany aza. Ary farany ilay film nampihomehy anakiray koa hoe Protéger et servir (2009) miaraka amin'i Kad Merad. Ie, mpilalao mahafinaritra ahy koa rangahy io fa betsaka ny film-ny efa hitako (Bienvenue chez les Ch'tis sy Le petit Nicolas no tena nilay). Amin'ity herinandro ity dia Agora, Prince of Persia, The book of Eli, dia mba asiana fihomehezana kely amin'ilay She's out of my league.

Merry Madagascar en video

2009-11-26 @ 21:06 in Sarimihetsika

Ny tena mahaliana ahy amin'ity Video ity dia ilay Kilalaka nandritra ny segondra vitsivitsy. Nandihy kilalaka i Dadabenoely :-)

 

Sarimihetsika faran'ny herinandro

2009-11-13 @ 16:20 in Sarimihetsika

Ireto ny sarimihetsika ezahiko hojerena amin'ity faran'ny herinandro ity.

 

  1. Boy A : Toa mahaliana hono
  2. Imagine That : Hihomehezana kely miaraka amin'i Eddie Murphy
  3. Mauvaise foi : film efa tamin'ny 2006 fa ohatry ny nahaliana ahy ny momba azy
  4. Quelqu'un de bien : Ilay quelqu'un de bien tamin'ny 2007 no notadiaviko dia ity indray no hitako. Toa mahaliana ihany anefa.
  5. Tricheuse : Karazana horonantsary tiako :-) 

 

Mandroso amin'ny lalina kokoa

2008-09-01 @ 14:40 in Izaho sy ny ahy, Sarimihetsika

Tsy ilay hira malaza (manjary atao @ fiandrasam-paty foana) no tiako lazaina amin'ny lohateny fa dika tsotsotra an'ilay fiteny hoe "Keep moving forward". Omaly hariva aho vao nijery an'ilay Dessin Animé (ie, mpakafy an'ireny aho) hoe "Meet the Robinsons" satria hanomboka hiasa androany fa vita ny fialantsasatra dia hoe te hihomehy kely. Rehefa fotoana tiako hanadiovana ny atidohako hanadino vetivety ny ordinatera sy ny mombamomba azy mantsy dia mijery film-njaza toa ireny aho.  (tohiny)

Into the Wild

2008-07-30 @ 10:09 in Sarimihetsika

Omaly alina vao hitako ilay Into the Wild na dia efa tamin'ny 2007 aza no nivoaka. Henoko ihany ny lazany fa noheveriko hahamonamonaina satria dia efa ho 150mn be izao. Nony nijery azy anefa aho alina dia tena nankafy tanteraka. Raha mbola tsy hitanareo dia mba jereo ihany. (tohiny)

Madagascar 2: The Great Escape

2008-03-16 @ 09:19 in Sarimihetsika

Dia hivoaka amin'ny faran'ity taona ity indray izany ny "Madagascar, The Great Escape"  (aka. Madagascar 2). Miala ao Madagasikara ry zareo amin'ity film ity ary dia mitontona indray any Afrika.  (tohiny)

Masaka be...

2007-08-03 @ 11:45 in Sarimihetsika

Sary indray mipika (tsy ahy) hizarana aminareo ny ambiansy ho an'ny mpijery video eny amin'ny elakelatrano. Amin'izao fotoana izao dia efa 300A no fidirana. Efa betsaka koa ny lohateny teny anglisy (Viva eMule!!!). Ary efa tsy kasety intsony no alefa fa efa DVD (re-viva eMule sy ny divX).

Mahazo tombony ny olona mpanao an'io satria mbola tsy ampy fialam-boly ny Malagasy.

 

Mr. Bean's Holiday... lasa lavitra

2007-04-20 @ 09:21 in Sarimihetsika

Gaga aho androany nijery tamin'ny yahoo movies fa tsy mbola nivoaka any US ilay film Mr Bean's Holiday na dia efa mivoaka amin'ny firenena maro aza. Amin'ny 31 aogositra hono vao hivoaka... satria angamba tsy film amerikana. Dia mbola gaga koa aho fa vao 2 herinandro monja no nivoahany dia nahatratra 124 millions USD sahady ny vola voaangony... mandrapahatongan'ny volana aogositra izany dia mety hahazo mihoatra noho ny 200 millions io film io. (tohiny)

Talenta tsy mampino

2007-03-06 @ 13:38 in Sarimihetsika

Dia samy manana ny talentany marina ny olona. Fa misy ny an'ny sasany dia tena tsy mampino mihitsy.

 (tohiny)

Fahatsiarovana

2007-01-12 @ 09:17 in Sarimihetsika

hery
Mandefa an'ity avy ao amin'ny serasera fotsiny aho io kah :-)
Tsy dia misy n'inona n'inona.
Ary raha asiana tsindripeo mihitsy éééé

The Departed... il bene e il male

2006-11-18 @ 23:18 in Sarimihetsika

Zakan'ny synopsis tetsy sy teroa aho izay nilaza fa tena tsara ilay The Departed dia niezaka nijery. Henoko hatramin'ny voalohany fa remake-n'ilay Internal Affairs ilay izy ka izay no nampanahy aho. Rehefa nojerena anefa dia tena nahafa-po tanteraka ny tantara. Ho an'izay tsy tia korontana aloha dia tsy dia tsara ilay izy. Ny votoatin'ny tantara kosa dia azo lazaina hoe voasaina tsara.
Ny lohateny dia nampian'ny italiana hoe Il bene e il male (Ny tsara sy ny ratsy)... izay afaka mamintina tsara ny tian'ny tantara holazaina. Fifamadihan'asa eo amin'ny olona roa. Ny iray jiolahy nanao izay azony natao mba hahatafidirana tanteraka ao anatin'ny polisy... Ny iray kosa polisy izay nampidirina tao anivon'ny andian-jiolahy.
Ny niafarany fotsiny no tsy dia tsara... satria ny nandrasana dia hoe ny handresen'ny tsara. Asa ady sahala no niafaran'ilay izy.

Babel... un autre visage de Brad Pitt

2006-10-30 @ 08:37 in Sarimihetsika

Teny gasy ihany ka :-)
Tsy nijery na naheno ny tsikera momba ity horonantsary Babel ity mihitsy aho talohan'ny nahitako azy omaly. Ary na dia tao amin'ny fividianana tapakila aza dia mbola noheveriko ho karazan'irony tantara gidragidra be irony ilay izy. Brad Pitt rahateo moa no milalao. Tsy izany anefa no hitako... fa tantara mampihetsi-po sy lalina dia lalina.

 (tohiny)

Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Jiona 2022 »
At Ta Ar Ak Zo As Ah
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
Rohy
  • Blogroll
Tahiry