Indraindray be loatra ny zavatra eritreretina hatao ka izay tonga ao antsaina amin'ny fotoana maha-mety azy sy azo atao avy hatrany dia atao.
Efa ela aho no nieritreritra hanao video mirakitra fampianarana faran'izay tsotra ireo fitaovana ampiasain'ny olona andavanandro amin'ny ordinatera. Koa atomboko amin'ny Microsoft Word izany. Fampianarana izay natao ho an'ny tena vao manomboka mihitsy. Misy ireo olona izay tsy nampiasa na tsy zatra nampiasa Word fa noho ny adidy izay nomena azy tampoka dia voatery tsy maintsy hampiasa Word. Misy koa ireo tonga dia nikatroka nanoratra tamin'ny Word ka ataony tahaka ny manoratra amin'ny vata fanoratana taloha (machine à écrire) no fampiasa izany, zary tsy afaka mihanoka amin'ireo zava-baovao isan-karazany mahamora ny fanoratana. Ary misy koa ireo efa mahay Word ihany fa mbola miadana be satria tsy mahita ireo fikafika mampalaky kokoa ny fanoratana.
Ho an'ireo olona ireto no tena nanaovako ity andiana video ity. Hisy fizarana 10 eo ka azonao arahina ao amin'ny playlist Jereo eto
Fampidirana hafa. Andro iraisam-pirenena ho an'ny tany androany. Raha ny tokony ho izy izany, tahaka ny an'ny vehivavy (andro iraisam-pirenena no lazaiko) dia tokony tsy hiasa koa ny tany, na farafaharatsiny haka aina tapak'andro. Rehefa dinihina tokoa dia tena miha antitra ny tany, ny endriny aza niova raha taloha izy fisaka (afatsy ny rediredin'i Galilea), izao izy efa lasa boribory (tanteraka ihany ny rediredin'i Galilea). Manontany tena aho hoe inona tokony hanamarihako ity andron'ny tany ity. Ny an'ny sasany manadio tany, tsinjaraina ny fako mba tsy ho verivery etsy sy eroa. Ny an'ny hafa mitsitsy tany, tsy mampiasa fiara sy fiaramanidina firy androany (fa rahampitso vao manao double). Ny hafa koa manao sesi-tany (tsy fidiny ho any ny any Afrika Atsimo). Izaho mbola variana manontany... manon-tany. Tratry ny fety tany - sa hoe joyeux anniver-terre?
Fa tsy izay mihitsy ny resaka androany fa (tohiny)
Araka ny nampanantenaiko ankizy vitsivitsy dia tiako haseho anareo amin'ity lahasoratra an-tsary ity ny fomba fampiasana ny Pidgin mba hahafahana mikarajia haingana sy mahafinaritra ao amin'ny karajia.org.
Voalohany indrindra aloha, ny karajia.org dia takelaka iray izay hahafahanao miresaka (mifanoratra) mivantana amin'ny namana maromaro. Tsy mitsahatra ny misy namana gasy ao 24 ora isanandro. Ka raha sendra mangingina iny ianao na te hiresaka amin'ny namana gasy na dia tsy mifankahafantatra aza dia midira ao amin'ny karajia.org.
Fandraisana anjara amin'ny "Aza ampijaliana ny tenintsika". Sarotra ihany ho an'ny ankamaroan'ny Malagasy ny mamantatra hoe misy "h" ve ny teny iray sa tsy misy satria amin'ny ankapobeny ny "h" dia tsy tononina. Ho an'ny faritra sasany toa ny any Betsileo aloha tsy dia manana olana satria tononina tsara mihitsy ny "h". Koa ireto ary misy fomba vitsivitsy hahalalàna hoe tokony hisy "h" sa tsy tokony ny teny iray. (tohiny)
Ity dia fomba iray izay hanovana ny kapila DVD ho fichier AVI, mba
hahafahana mitahiry azy ao anaty CD, na koa mamoaka azy amin'ny
Internet, na mandritra azy ho sarimihetsika vaovao indray (manao
montage). Ny fichiers ao anaty DVD mantsy dia tsy voavakin'ny fitaovana
rehetra. (tohiny)
