Tsy dia mahafa-po ny endriky ny namana kinova faha 5 (tsy ratsy koa ilay hoe kinova noho ny tao). Ho hita eo ny hanavaozana ny endriny.
Fa ankoatry ny endriny dia novaina ny rafitra anatiny, indrindra ny resaka angona (base de données). Misaraka tsikelikely amin'ny serasera amin'ny ankapobeny ny takelaka namana.serasera.org. Raha sendra mavesatra tampoka izy amin'izao dia mora ny mamindra azy ho serveur iray manokana.
Lazaiko tsikelikely etsy ambany ny fanovana.
- Endrika mifangaro
Avy amin'ny endriky ny malagasy.it sy ny katolika.org ary radiovazogasy.com no nakàna ny endrika. Ny tanjona dia ny fahafahana manova ny endrika amin'ny fomba tsotra (CSS ovaina fotsiny sisa)
- Solaitra kinova farany
Mampiasa ny solaitra kinova farany (rev. 498) ny takelaka namana.serasera.org amin'izao fotoana izao. Moramora kokoa noho izany ny manavao azy isaky ny misy fiovana ao amin'ny fototry ny solaitra
- Mitovy firindra amin'ny takelaka serasera hafa
Koa satria efa mitovy ny fitaovana fototra ampiasaina dia tsy misy olana intsony eo amin'ny fifampizarana session. Rehefa identifié amin'ny forum ohatra dia identifié ao amin'ny namana koa fa tsy voatery mampiditra tenimiafina intsony. - Miantehitra amin'ny webservice
Hiantehitra amin'ny webservice (SOAP sy REST) mba hahafahana mametraka ny site iray amin'ny serveur maromaro raha sendra be loatra ny mpampiasa.
Feno 31 taona androany ny nanaovana batemy ahy. 31 taona izany izay no naha kristianina... na anarany fotsiny na tena izy... fa dia kristianina aloha. Isaorako ny ray aman-dreniko izay nisolo tena ahy tamin'izany fotoana izany ka nampiditra ahy tao amin'ny làla-marina. Vita ny adidiny dia ny mametraka ahy ao amin'ny lalana izay nahitany soa - izay rahateo no maha-Ray amandrReny azy - mandra-pahalehibeko. Nony lehibe aho dia anjarako indray ny miaina izany araka izay tratrako. Izay no fahazoako ny batemy atao amin'ny Zaza na dia mbola tsy misaina aza izy.
Manomboka 150 ka hatramin'ny 850 Euros. Izany no vidin'ny fidirana amin'ny fampisehoana izay ataon'i Barbra Streisand amin'ny tour izay ataony aty Italie. Dia niaka-pofona daholo ny rehetra satria mandatsa ny mahantra raha izany fidirana izany. Eto Italie mantsy dia 800 Euros ny SMIC. Be dia be ny nangataka ny hanafoanana ny fampisehoana, ary ny antony naroso nandritra izany fangatahana fanafoanana izany dia hoe fananam-bahoaka no anaovana azy ka azon'ny commune sakanana amin'ny fotoana farany rehefa tsy mifanaraka amin'ny moraly. Ho hita eo izay ho vokany. Aza manahy ianao izay mamaky ity ka tsy mahalala an'i Barbra Streisand... natao ho an'ny tena manan-karena sy izay tena tia azy angamba izany mpihira izany satria tsy mba nomeny chance akory ireo izay mety hoe liana fotsiny hijery. Io ihany ny sariny na izany aza.
Tsitsio ny saosy fa mbola ho avy i George Michael amin'ny volana Jolay... na rehefa tena te hihaino dia mividiana ny CD-ny vao nivoaka izay inoako fa tsy hihoatra ny 50 Euro.
Noroahin'ny fanjakana hiala tao Madagasikara tamin'ny faran'ny herinandro lasa iny ny P. Sylvain Urfer sj. Efa talata izao kanefa sady tsy misy filazana ny antony avy amin'ny fanjakana no tsy misy fanoherana mivantana avy tamin'i P. Urfer na dia efa any andafy aza izy. Izao fahanginan'ny roa tonta izao dia midika zavatra goavana izay azo fintinina hoe izay mangina volamena. (tohiny)
Dia raikitra izany ny baolina izay efa nikofohana hatrizay. Mondialido no iantsoana azy ka anisan'ny mandray anjara ny Malagasy eto Roma. Ny ekipan'i Japon no nanao taminay. Resy 4-2 aloha tamin'ny alahady na dia nitarika tamin'ny isa 1-0 aza. Efa saika nandresy satria dia taimbaolina (hoy ry zalahy) ny baolina 2 maty. Nahafinaritra ny fiarahana. Ny mpitehaka koa nihoraka mafy mihitsy. Ry zareo koa moa hatramin'izay efa zatra ny mahita faharesena goavana ka mba tsy dia nampaninona azy loatra ny 4 sy 2. Tonga nitehaka sy nitondra ranomboankazo teny koa i Mme Josiane vadin'ny Ambassadeur... (izy koa tsy manque mihitsy :-))
Afaka tapa-bolana indray ny lalao manaraka izay hihaonanay amin'ny Ukranianina. Maozatra hono ry zalahy ireo fa dia ho hita eo. Efa be koa aminay ny tsy tanora intsony (excuse hafa koa io) koa mbola tsy tapitra akory ny vanimpotoana voalohany(45mn) dia efa mijerijery eny amin'ny mpanazatra sahady mitaky mpisolo. Amin'ny alahady anefa dia mety tsy hisy fanazaran-tena sahady satria hiara-mirona amin'ny "Festa dei Popoli" indray izahay.
Ah... nidina défense aho, sady défense gauche. Toerana mbola tsy hitako hatr'izay niainako. Fa hitako hoe tsy dia mandreraka loatra. Mba tsy voan'ny krampy (isaorana an'Andriamanitra) satria afaka maka aina tsindrainidray. Efa mihinana akondro sy kiwi isan'andro aloha dia misotro rano betsaka koa. Forza ragazzi!!!
Efa manomboka miely ny fitaovana fametrahana hafatra mivantana izay karazana chat fa apetraka amin'ny site. Fa ity anakiray ity no hitako mahafinaritra indrindra amin'izao fotoana izao... ny anarany dia Plugoo ary ny misy azy dia ao amin'ny Plugoo.com. (tohiny)
Eto amin'ny Internet mandritra ny adin'ny 10 eo ho eo aho isanandro (tsy mitohy kosa fa mba tapatapahina isaky ny adin'ny iray sy tapaky ny sakafo ary ny fodiana any antrano). Ny adin'ny 7 amin'io dia aty ampiasana ary ny adin'ny 3 kosa any antrano. Tao anatin'ny iray volana dia nanao karazana fanadihadiana kely aho hoe inona no takelaka jereko maharitra sy matetika indrindra eto amin'ny Internet isanandro. Dia ny valiny azoko dia hoe . (tohiny)
Rehefa mipetraka aty andafy aty ny olona sasany dia tsy mahita biby velona intsony (ny zanaky ry Lanto aza moa any amin'ny "parc" no mijery akoho :-))... koa ho an'izay mbola tsy nahita kisoa, na ny marimarina kokoa kisoa teraka dia misy sary iray ity. (tohiny)
Androany maraina aho dia very minitra maromaro teto amin'ny internet. Ny antony dia nisy zavatra iray maika izay notadiaviko tao amin'ny internet (mikasika ny SSO & Authentication) ary nahita be dia be tokoa... saingy tsy nisy azo noraisina. Tsy ao amin'ny ilako azy daholo. Dia izany tokoa matetika ny internet. Raha tany amin'ny bibliothèque aho dia fantatro hoe aiza no hahitana ny zavatra iray dia tsy maintsy misy vokany ny zavatra azoko avy ao satria voafintina kokoa ny sehatra hikarohana. Dia mitovy amin'ny manarato ihany. (tohiny)
Molti mari e fiumi
attraversero’
dentro la tua terra
mi ritroverai
Turbini e tempeste
io cavalchero’
volero’ tra il fulmini
per averti (tohiny)
Misy zavatra toa izao eto Roma eto amin'izao fotoana izao. Tamin'iny herinandro lasa iny, ny Zoma no marimarina kokoa, dia nisy ramatoa Italiana iray (23 taona izy fa efa mananjanaka dia ataoko hoe tanora) izay toa hoe nifamaly tamina Roumaines roa 20 taona sy 17 taona (ie, aty koa ry zareo) tao anaty Metro. Dia nony raikitra ny fifamaliana dia notsindromin'ilay Roumaine lehibe tamin'ny elo ny mason'ilay Italiana. Voakasika ny tao amin'ny lohany ka na dia nentina teny amin'ny hopitaly aza dia tsy avotra intsony fa maty. (tohiny)
Trasy vaovao manomboka amin'ity volana mey ity... Anaty tanàna kanefa toa kalma ihany. Ny be antitra no tena hitako mameno tanàna. Toa tsy dia azo itabatabàna loatra amin'ny alina... sa ve ny olona no tsy mitabataba? Mangina loatra mantsy ka na dia miresaka tsotra aza dia efa heno be. (tohiny)
