Iny hono izy ravorona
Te hizara ity kanto ity aho androany. Fijery avy eny ambony, eny amin'ny habakabaka, rehefa baben'ny voromahery ianao. Amin'ny tantara an-tsary no mahita izany fa lasa zava-misy tokoa ilay izy rehefa nasiana fakantsary tao amin'ny lamosin'ny voromahery iray. Ny maha samihafa azy amin'ny "drone" fampiasan'ny olona dia satria ilay voromahery tsy misy mibaiko-lavitra avy ety ambany fa izay tiany aleha no aleha... afaka mandeha lavitra, fa izany hoe mila voromahery efa mahalala tompo.
Indro ary ny horonantsary mirakitra izany. Araka ny filazan'ny naka azy dia tany Chamonix (France) no nalaina ny sary.
