« | »

Nahoana no tsy manangantsaina?

2009-06-22 @ 14:16 in Politika

indrisyRe fa betsaka ny olona tsy manangan-tsaina ao Antananarivo (ao aloha no hita). Mahagaga ihany raha ankatoky ny 26 jiona toa izao no vitsy saina mihofahofa eran'ny lavarangana... Fa fantatrao ve hoe nahoana no tsy manangan-tsaina ny olona?

Eny, mety ho hadisoana ny mampifangaro ny adilahy politika amin'ny resaka fetin'ny fahaleovan-tena kanefa toa izao ny hevitry ny olona:

  • Tsy manangan-tsaina izahay fa mbola tsapanay hoe ambany ziogan'ny mpanjanaka amin'ny fomba hafa i Madagasikara. Mbola ny Frantsay no mibaiko ny fomba handaminana ny politika eto Madagasikara. Niady mafy ireo Raiamandreny nitady fahafahana sy fahaleovan-tena kanefa ankehitriny dia nohosihosen'ny sasany izany ka aleo ampirimina aloha ny saina mandra-pahazo ny tena fahafahana indray.
  • Tsy manangan-tsaina izahay mba ho fanajàna ny saina sy ny fiandrianam-pirenena. Mandritra izao fotoana teteza-mita noterena izao dia tsy hitsangana ofisialy ny saina satria tsy voahaja ny safidy natao tamin'ny fifidianana.
  • Tsy manangan-tsaina izahay na dia saika hanangana ihany aza satria heno fa izany no fomba mangina hanoherana ny fitondran'ny FAT. Tianay haseho fa mitaky ny ara-dalàna izahay na dia tsy mirotsaka eny an-dalambe sy tsy mitady ady saritaka aza.
  • Tsy manangan-tsaina izahay satria tsy tianay ny fandrahonana atao ofisialy hoe izay tsy manangan-tsaina dia tsy karakarain'ny ao amin'ny fokontany ny taratasy. Tsy fotoanan'ny fampihorohoroana izao... ary tany demokratika i Madagasikara. Raha tsy izany dia naleo nijanona tamin'ny teo aloha ihany.
  • Tsy manangan-tsaina izahay satria tsy manam-bola hividianana na hanamboarana saina.
  • Tsy manangan-tsaina izahay satria aiza moa no hatsanganay ny saina? Eny ambany tonelina ve? Ny trano aza tsy anananay.
Dia inona no antony hanangananao saina?

Hevitra

sendra mba....

sendra mba nandalo aho de nahita an'ity page ity,mafinaritra ny zavatra lazainao.fanamarihana angamba no tiako entina:isika gasy mihitsy angamba no mbola be dia be loatra no tsy nianatra de mbola tsy afaka mandinika lalina sy mahafantatra ny marina,mety,ary ny safidy tsara tokony hatao manoloana ny toe-javatra iray(n'inoninona iko).

Nampidirin'i badolah @ 17:19, 2009-06-22 [Valio]

satria tsy misy saina, , kely saina, very saina

saina sadec sy zimbabwe, ary sudaf atsangana lahy!

Nampidirin'i ndaty @ 20:54, 2009-06-22 [Valio]

vizana ny Olona Leo Politika ka tsy manam-potoana handinihany izany intsony.
Fa na izany aza tsy efa hitanareo efa mihena isan-taona ve ny manangana saina rhefa fetimpirenena e ? Tsaroako t@ mbola kelikely aho fa nazoto be nanangana daholo fa nony lehibe aho tsy tsaroako intsony hoe feno saina ny trano rehetra. Na sarotra nyfiainana ka tsy nivaky loha intsony ny vahoaka, na sarotra ny fiainana ka tsy mahafoy vola hividianana saina izany izy (fony tany an-tokantranon'i dada sy neny mety nisy ihany fa rehefa nitokantrano nony lehibe tsy nanana saina intsony fa mbola hovidiana).
Angamba tsy tokony hotsongolohana loatra ilay izy satria ve any amintsika fa rizareo eto amin'ny tany honenantsika tsy mbola nahita aho hoe manangana saina rizareo nefa eo ny fetim-pirenena ny 2 jiona dia eo ny fetin'ny fanafahana (libération) ny 24 avril. Mba mahita saina mihofahofa ve ianao kosa ? Ny eny @ birao ireny aza efa mahatsiravina ny lotony tratran'ny setroky ny fifamoivoizana, sady tsy vitan'ny maloto fa efa rotika.

Nampidirin'i ikalamako @ 22:40, 2009-06-22 [Valio]

fanjanahan-tsaina

tsy manangan-tsaina izahay satria miantraika mafy aminay ny fanjanahan-tsaina nataony Ra8 taminay :manompo tsangan'olona izahay fa tsy manompo tanindrazana

manaiky arirany @ fampanantenana poakaty ny hiverenany izahay nefa h@ izao dia tsy hita izay eo

malaelo ny tenanay aloha izahay fa tsy malaelo tanindrazana h@ izay nialany ra8 zay ééé!! very vilia fihinana izahay izao!! soa fa mbola misy misy ihany ny vola mandeha any hanampiany dadanay anay!!

Nampidirin'i saina malagasy @ 01:33, 2009-06-23 [Valio]

zay izao anisany mihitsy! tsy ilaina antsangana ny saina satria tsy mbola fantatry ny malagasy ny hasiny

Nampidirin'i news2dago @ 06:28, 2009-06-23 [Valio]

izahay kosa dia hanangan-tsaina ihany mba ho fahatsiarovana an-dRazily izay noraofin'ny miaramila teny Andohan'Analakely.

Nampidirin'i LeRastah @ 13:43, 2009-06-23 [Valio]

Mampalahelo ny vahoaka, ataon' ny mpanao politika kilalao fotsiny, nefa na dia izany aza iny saina iny no maha_ malagasy ny malagasy aloha hatramin' izao ka tokony hatsangana ihany na dia mikorontana aza ny tany.
Misaotra an'i Hery

Nampidirin'i maeva74 @ 18:00, 2009-06-23 [Valio]

i Madagasikara

Rehefa miala an'i Madagasikara ianao vao tena mahita fa hafa ihany Madagasikara, no mahita ihany koa ny "Fahamarinana".

Nampidirin'i Voromailala @ 15:19, 2009-06-25 [Valio]
Momba ahy
hery

Ho hitanao ato ny isandroko. Angoniko ato mba hovakiako indray any aoriana any :-)

calendar
« Aprily 2019 »
At Ta Ar Ak Zo As Ah
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
Rohy
  • Blogroll
Tahiry