Yanukovych sy #Ravalomanana
Tsetsatsetsa tsy aritra fotsiny mampitaha ny nanjo an'i Yanukovych sy Ravalomanana amin'izao zava-mitranga any Ukraine izao.
Ny zava-nisy:
Samy nitsoaka vokatry ny hetsi-bahoaka izy roalahy. Ravalomanana dia namindra ny fahefana tamin'ny directoire militaire (fametraham-pialàna tokoa ve izany aloha?) i Yanukovych kosa dia nametram-pialàna dia andrim-panjakàna ara-dalàna sy voafidim-bahoaka, dia ny antenimieram-pirenena, no nanala azy teo amin'ny toerany.
Ravalomanana nandroso vahaolana nandritra ny korontana saingy tsy neken'ny mpanohitra intsony (fitsapankevi-bahoaka sns). Yanukovych kosa nandroso vahaolana dia neken'ny mpanohitra, voasonia mihitsy hoe haroso ny fifidianana sns.
URGENT: Yanukovich, opposition leaders sign agreement aimed at ending crisis in #Ukraine http://t.co/61ClrQv8lp
— RT (@RT_com) 21 Febbraio 2014
Ny vokany:
Ny teto Madagasikara dia tsy nankatoavin'ny Vondrona Iraisam-pirenena mihitsy ny hetsi-bahoaka fa nolazainy hoe fanonganam-panjakana. Ny any Ukraine kosa dia ankatoaviny tsara sy tohanany aza ny fitondrana tetezamita ary tsy ekeny intsony ny fiverenan'i Yanukovych eo amin'ny fitondrana.
